ملک میں چار دن تک جاری رہنے والے سیاسی عدم استحکام سے تاجروں کے اربوں روپے ڈوب گئے۔
موقر قومی اخبار کی رپورٹ کے مطابق عمران خان کی گرفتاری سے سپریم کورٹ کے فیصلے تک پاکستان اسٹاک ایکسچینج میں منفی رجحان رہا۔
ڈالر کی قدر میں اضافہ ہونے کی وجہ سے ملکی معیشت کے قرضوں میں 252 ارب روپے کا مزید اضافہ ہو گیا ہے۔
اسٹیٹ بینک کے اعداد و شمار کے مطابق پاکستان اسٹاک ایکسچینج میں سرمایہ کاروں کو 62 ارب 61 کروڑ چار لاکھ بیالیس ہزار 336 روپے کا نقصان اٹھانا پڑا۔
گردشی قرضوں کا بوجھ 2536 ارب روپے ہو گیا
روزنامہ دنیا کی تحقیقاتی رپورٹ کے مطابق سیاسی عدم استحکام کے دوران ڈالر کی قدر میں 15، برطانوی پاؤنڈ 17 روپے جبکہ سعودی ریال اور اماراتی درہم کی قدر میں چار چار روپے اضافہ ہوا۔
عمران خان کو ضمانت ملنے کے بعد روپے کے مقابلے میں ڈالر کی قدر میں 14 روپے، برطانوی پاؤنڈ کی قدر میں 19 روپے، سعودی ریال کی قدر میں 4 روپے جبکہ اماراتی درہم کی قدر میں تین روپے کمی دیکھنے میں آئی۔
