آنجہانی ملکہ برطانیہ الزبتھ دوم کی آخری رسومات کے دوران شہزادہ ولیم کی بیٹی شہزادی شارلٹ رو پڑیں۔
پرنس آف ویلز ولیم کی بیٹی شہزادی شارلٹ اپنی پردادی کی آخری رسومات اور تدفین کےدوران اشکبار ہو گئیں۔ ان کے روتے ہوئی کی تصویر انٹرنیشنل میڈیا کی زینت بنی تو سوشل میڈیا صارفین کی بھی خاص توجہ کا مرکز بن گئی۔
یہ بھی پڑھیں:ملکہ برطانیہ کو ونڈزر کیسل میں سپرد خاک کر دیا گیا
کالے لباس میں ملبوس ننھی شہزادی آنکھوں پر ہاتھ رکھ کر پھوٹ پھوٹ کر رو پڑِیں جس پر ان کی والدہ شہزادی کیٹ مڈلٹن انہیں تسلی دیتی ہوئی نظر آئیں۔
Princess Charlotte, crying at her great grannies funeral, being comforted by her mum 😢♥️ pic.twitter.com/AE7IINS9ty
— Kayla Adams (@KaylaAdams___) September 19, 2022
شہزادی شارلٹ نے اپنی پردادی ملکہ الزبتھ کی آخری رسومات کے لیے اپنا پہلا خصوصی اہمیت کا بروچ بھی پہنا۔ شہزادی نے اپنے کوٹ پر ہیروں سے جڑا ہوا گھوڑے کے جوتے کی شکل کا بروچ لگایا ہوا تھا۔
یہ بھی پڑھیں:ہزاروں قیمتی نگینوں سے جڑا شاہی تاج، ملکہ کی آخری رسومات میں سب کی توجہ کا مرکز
شہزادی شارلٹ نے یہ بروچ پردادی کی گھوڑوں سے خصوصی محبت کے احترام میں لگایا اورانہیں منفرد انداز میں خراج عقیدت پیش کیا۔یہ بروچ ننھی شہزادی کو آنجہانی ملکہ الزبتھ نے خود تحفے میں دیا تھا۔
آخری رسومات میں شریک شہزادہ ولیم کے بیٹے شہزادہ جارج بھی افسردہ دکھائی دیے۔
HRH the Princess of Wales and TRH Prince George and Princess Charlotte. pic.twitter.com/cL6cFOgJcw
— Belle (@RoyallyBelle_) September 19, 2022
واضح رہے کہ برطانیہ پر سب سے طویل عرصے تک حکمرانی کرنے والی ملکہ الزبتھ دوم 96 برس کی عمر میں 8 ستمبر کو بیلمورل میں وفات پا گئی تھیں۔ انہیں گزشتہ روز ونڈزر کیسل میں سپرد خاک کیا گیا ہے۔