پاکستان تحریک انصاف (پی ٹی آئی) کے رہنما فواد چودھری نے کہا ہے کہ پاکستان کیلئے آج افسوسناک دن ہے، ملک ایک بار پھر لٹیروں کے پاس چلا گیا۔
وزیراعظم عمران خان کے خلاف تحریک عدم اعتماد کامیاب ہونے کے بعد اپنے ردعمل میں سابق وزیر مواصلات مراد سعید نے کہا کہ تاریخ لکھے گی کہ امریکہ کی غلامی کے لیے سب تیار تھے، بس ایک عمران خان تھا جس نے نعرہ حق بلند کیا۔
انہوں نے کہا کہ عمران خان آخری دم تک قوم کی خود داری کے لیے کھڑارہا،عمران خان سرخرو اور یہ مہرے ساری زندگی شرمندگی اٹھائیں گے۔
تحریک انصاف کے رہنما شہباز گل نے کہا کہ خان کو باندھ کر ہرایا ہے۔
سماجی رابطے کی ویب سائٹ پراپنے ایک ٹویٹ میں شہباز گل نے کہا کہ انہوں نے ان سارے دنوں میں عمران خان کو ایک بہادر کی طرح اکیلے لڑتے دیکھا۔
ان سارے دنوں میں خان کو اکیلے لڑتے دیکھا۔ ایک بہادر کی طرح ۔ بہت کچھ دل میں ہے۔ دل میں ہی رہے تو اچھا ہے۔ بس اتنا ہی کہوں گا۔ خان کو باندھ کر ہرایا ہے باندھ کر
— Dr. Shahbaz GiLL (@SHABAZGIL) April 9, 2022
شہباز گل نے کہا کہ بہت کچھ دل میں ہے۔ دل میں ہی رہے تو اچھا ہے۔ بس اتنا ہی کہوں گا۔ خان کو باندھ کر ہرایا ہے باندھ کر۔ آخری شخص ہوں جو انہیں رخصت کر کے نکلا ہوں
آخری شخص میں تھا جو ابھی تین منٹ پہلے وزیراعظم آفس سے وزیراعظم کو رخصت کر کے نکلا ہوں۔ بس ایک ہی چیز ہے جو میرے پاس ہے۔ وہ وفاداری ہے۔ ایسے بھاگنے والا نہیں ہوں۔ ہندوستانی میڈیا ایسا پراپوگنڈا کر کے بکواس پھیلا رہا ہے۔
ایسے بہادر انسان کے ساتھ کبھی بے وفائی نہیں کر سکتا https://t.co/Vyr5SzRbGV
— Dr. Shahbaz GiLL (@SHABAZGIL) April 9, 2022
