پاکستان کی سیاست میں ایک اور وزیراعظم کو گھر بھیجنے کی تیاریاں ہو رہی ہے، جس کا فیصلہ اتوار کو ہو جائے گا۔ اس سے پہلے شاہد آفریدی نے بھی خاموشی توڑ دی۔
پاکستان کرکٹ ٹیم کے سابق کپتان آل راؤنڈر شاہد خان آفریدی کا کہنا ہے کہ خدارا کسی ایک منتخب حکومت کو تو آئینی مدت پوری کرنے دیں۔
یہ بھی پڑھیں: عمران خان کو ہوم ورک اور مخلص ٹیم کے ساتھ آنا چاہئے تھا، شاہد آفریدی
شاہد آفریدی نے اپنے ٹوئٹر پیغام میں لکھا کہ پاکستان کے قیام کو 74 سال ہوگئے ہیں۔ خدارا کسی ایک منتخب حکومت کو تو آئینی مدت پوری کرنے دیں کیونکہ ہر عوام کی منتخب کردہ حکومت کو آئینی مدت پوری کرنے کا حق ہے۔
انہوں نے مزید لکھا کہ 74 سال کی برائیاں ختم ہوتے ہوتے ہونگی۔
پاکستان کے قیام کو ۷۴ سال ہوگئے ہیں ۔ خدارا کسی ایک منتخب حکومت کو تو آئینی مدت پوری کرنے دیں کیونکہ ہر عوام کی منتخب کردہ حکومت کو آئینی مدت پوری کرنے کا حق ہے ۔ ۷۴ سال کی برائیاں ختم ہوتے ہوتے ہونگی
— Shahid Afridi (@SAfridiOfficial) March 31, 2022
تین ہفتے قبل انٹرویو کے دوران شاہد آفریدی کا کہنا تھا کہ عمران خان کو ہوم ورک کر کے اور مخلص ٹیم کے ساتھ آنا چاہئے تھا۔ ہ ایسا نہیں ہے کہ عمران بھائی نے کچھ نہیں کیا، بس ان کی ٹیم اپنے کاموں کے بارے میں بتا نہیں پا رہی، اور عمران خان کو وعدے پورے کرنے کیلئے 10 سے 15 سال چاہیے ہوں گے۔
