اسلام آباد: متحدہ اپوزیشن نے سندھ ہاؤس میں بیٹھک لگا لی ہے جس میں تمام اہم رہنما شریک ہیں۔
تحریک عدم اعتماد: ایم کیو ایم کا متحدہ اپوزیشن کی حمایت کا اعلان
ہم نیوز کے مطابق سندھ ہاؤس میں جاری بیٹھک میں چیئرمین پاکستان پیپلزپارٹی بلاول بھٹو زرداری، قومی اسمبلی میں قائد حزب اختلاف اور ن لیگ کے مرکزی صدر میاں شہبازشریف اوروزیراعلیٰ سندھ سید مرادعلی شاہ موجود ہیں۔
ذرائع کے مطابق سندھ ہاؤس میں ہونے والی تحریک عدم اعتماد پر مشاورت میں پی ٹی آئی کے منحرف اراکین بھی شریک ہیں۔
علیم خان گروپ کا اپوزیشن کا ساتھ دینے کا اعلان
سندھ ہاؤس میں ہونے والی مشاورت کا حصہ پی ٹی آئی کے امجد کھوسہ ، ڈاکٹرافضل ڈھانڈلہ، نواب شیروسیر، رمیش کمار،عامرلیاقت حسین، راجہ ریاض، نورعالم خان اورفرخ الطاف ہیں۔
متحدہ اپوزیشن کو حکمران جماعت کی جویریہ ظفر کی بھی حمایت حاصل ہو گئی ہے۔ اجلاس میں بلوچستان عوامی پارٹی سے تعلق رکھنے والے اراکین قومی اسمبلی بھی شریک ہیں۔
ایم کیو ایم کے متحدہ اپوزیشن اور پی پی کے ساتھ دو معاہدوں پر دستخط
اجلاس کے حوالے سے اپوزیشن کے انتہائی ذمہ دار ذرائع نے دعویٰ کیا ہے کہ اس وقت سندھ ہاؤس میں 190 سے زائد اراکین قومی اسمبلی موجود ہیں۔
