سی پیک کے تحت شروع کئے جانے والامنصوبہ سکی کناری ہائیڈرو پاور پراجیکٹ تکمیل کے آخری مراحل میں ہے۔ منصوبے سے 884 میگاواٹ بجلی کی یومیہ پیداوار حاصل ہوگی۔
اسلام آباد سے 256 کلومیٹردور وادی کاغان میں سکی کناری ہائیڈروپاورپراجیکٹ کا آغاز دسمبر2016 میں ہوا، منصوبے پر85 فیصد کام مکمل ہوچکا ہے۔
جی او سی سپیشل سیکیورٹی ڈویژن میجر جنرل کامران نذیر کا کہنا ہے سکی کناری ہائیڈرو پاورپراجیکٹ سی پیک کے تحت بننے والا اہم منصوبہ ہے، یہاں سیکیورٹی کا منظم اورجامع نظام ہے۔
یہ بھی پڑھیں: مریم صاحبہ! آئیں قدم بڑھائیں،37 ویں بار عمران خان سے شکست کھائیں: شہباز گل
منصوبے کوتعمیر کرنے والی چینی کمپنی کے ڈائریکٹر ہوازیکنگ کا کہنا ہے کہ منصوبے سے مقامی لوگوں کو روزگار ملا ہے۔
منصوبے کے الیکٹریکل انجینئر عثمان رمضان کا کہنا ہے کہ یہ ایک ماحول دوست منصوبہ ہے، جس جنگلی حیات و نباتات کو فروغ ملا ہے۔ یہ منصوبہ جہاں ایک طرف ملک میں بجلی کے بحران پر قابو پانے میں مدد دے گا، وہیں معیشت کو بہتر کرنے میں اہم کردار ادا کرے گا۔
