مسلم لیگ ن کی نائب صدر مریم نواز کے بیٹے جنید صفدر کی شادی کی تقریبات کا سلسلہ جاری ہے۔
جنید صفدر کی شادی کی تقریبات کے ساتھ ساتھ ان کی تصاویر بھی سوشل میڈیا کی زینت بن رہی ہیں جنہیں سوشل میڈیا صارفین کی جانب سے خوب سراہا جا رہاہے۔
گزشتہ روز بھی جنید صفدر کی شادی کی دو تقریبات کی تصاویر اور ویڈیوزسامنےآئیں جو سوشل میڈیا پر گردش کر رہی ہیں۔ تصاویر میں مریم نواز، جنیید صفدراور دلہن عائشہ سیف سمیت دیگر فیملی ممبرز کو بھی دیکھا جاسکتا ہے۔
View this post on Instagram
ایک تقریب میں دلہن نے گرے اور دلہا نے سفید اور نیلے رنگ کا لباس پہن رکھا ہے اسی تقریب میں مریم نوازنے پیلے رنگ کا جوڑا پہنا ہے۔
View this post on Instagram
سوشل میڈیا صارفین کے مطابق یہ مایوں کی تقریب ہے ۔ لیکن اہل خانہ کی جانب سے کوئی وضاحت نہیں کی گئی کہ یہ کونسی تقریب ہے۔
ایک اور تقریب کی کچھ تصاویر بھی سوشل میڈیا پر وائرل ہو رہی ہیں جس میں دلہا، دلہن، مریم نواز ، کیپٹن صفدر اور حمزہ شہباز کو بھی دیکھا جاسکتا ہے۔
View this post on Instagram
بظاہر یہ تقریب رسم حنا کی معلوم ہوتی ہے ۔ جس میں دلہن نے سرخ رنگ کا جوڑا پہنا ہوا اور مریم نواز بہو کو مہندی لگانےاور پھولوں کے گجرے پہنانے کی رسم پوری کر رہی ہیں۔
View this post on Instagram
مریم نواز نے اسی تقریب سے بیٹے جنید صفدر کے ہمراہ چند تصاویر سوشل میڈیا پر شیئر کی ہیں ۔ انہوں نے تصاویر کے کیپشن میں انہیں زندگی خوشگوار لمحات قرار دیا ہے۔
View this post on Instagram
تقریب میں مریم نوازہلکے نیلے رنگ کے لباس میں ملبوس نظر آرہی ہیں جبکہ بیٹے جنید صفدر نے سفید شلوار قمیض کے ساتھ بھورے رنگ کی چادر اوڑھ رکھی ہے۔
یاد رہے کہ مریم نواز کے بیٹے جنید صفدر کے ولیمے کی تقریب 17 دسمبر کو ہو گی ۔ ولیمے سے قبل شادی کی مختلف تقاریب کا سلسلہ جاری ہے۔