پاکستان کرکٹ بورڈ (پی سی بی) کے چیئرمین رمیز راجہ آئی سی سی چیمپئنز ٹرافی 2025 کی میزبانی پاکستان کو ملنے پر خوشی سے نہال ہو گئے۔
It’s a matter of great pride and delight that Pakistan will be hosting ICC Champions Trophy 2025. This great news will surely excite millions of Pakistani fans, expats and world fans to see great teams and players in action and will allow the world to sample our hospitality.
— Ramiz Raja (@iramizraja) November 16, 2021
سماجی رابطے کی ویب سائٹ ٹوئٹر سے جاری پیغام میں انہوں نے کہا کہ یہ بہت فخر اور خوشی کی بات ہے کہ پاکستان آئی سی سی چیمپئنز ٹرافی 2025 کی میزبانی کرے گا۔
انہوں نے کہا کہ اس اچھی خبر کو سن کر یقیناً پاکستان کے لاکھوں فین بہت خوش ہوں گے۔ پاکستانی فین سمیت دنیا بھر کے مداح پاکستان میں بڑی ٹیموں اور ان کے عظیم کھلاڑیوں کو پاکستان میں کھیلتا دیکھ کر خوش ہوں گے۔
ان کا کہنا تھا کہ اس ایونٹ سے دنیا کو پاکستان کی میزبانی اور مہمان نوازی دیکھنے کا بھی موقع ملے گا۔