آئی سی سی مینز ٹی ٹوئنٹی ورلڈ کپ میں پاکستان کی روایتی حریف بھارت کو شکست کے بعد قومی کرکٹ ٹیم کی سیلفی کی ہر طرف چرچے ہونے لگے۔
گرین شرٹس نے ٹی ٹوئنٹی ورلڈ کپ میں بھارت کو شکست دینے کے بعد خوب جشن منایا۔ قومی ٹیم نے میچ کے بعد سیلفی لے جو سوشل میڈیا پر خوب وائرل ہوئی۔
The PERFECT selfie!! ??? pic.twitter.com/UO8wJXdRdN
— Pakistan Cricket (@TheRealPCB) October 24, 2021
پاکستان کرکٹ بورڈ نے میچ جیتنے کے بعد قومی ٹیم کی سلیفی سوشل میڈیا ویب سائٹ ٹوئٹر پر ” برفیکٹ سیلفی” کی کیپشن کے ساتھ شیئر کی۔
شاہین شاہ آفریدی تصویر لے رہے ہیں اورباقی ٹیم کے تمام ممبر زبردست پوز بناتے ہوئے سیلفی میں موجود ہیں۔
روایتی حریف بھارت کو ہرانے کی خوشی قومی ٹیم کی سیلفی نے دوبالا کر دی۔ سوشل میڈیا کے ہزاروں صارفین نے اس سیلفی کوشیئر کیا اور اپنے اپنے الفاظ میں قومی ٹیم سے محبت اور اپنی خوشی کا اظہار کیا۔
شعیب ملک، سرفراز احمد اور شاہنواز دھانی نے بھی سوشل میڈیا پر تصویر کو شیئر کیا۔ ماہرہ خان بھی پی سی بی کی ٹویٹ ری شیئر کیے بغیر نہ رہ سکیں انہوں نے سیلفی کو شیئر کرتے ہوئے لکھا لفظ پرفیکٹ اس کے لیے بالکل ٹھیک ہے۔
Perfect is right! ???? https://t.co/ZNstfAL5i1
— Mahira Khan (@TheMahiraKhan) October 24, 2021
یاد رہے کہ بابر اعظم اور محمد رضوان کی ناقابل شکست نصف سنچریوں کی بدولت پاکستان نے اتوار کو بھارت کو 10 وکٹوں سے شکست دے کر ٹی ٹوئنٹی ورلڈ کپ میں اپنے حریف سے پہلی بار فتح حاصل کی ہے۔