لاہور کے علاقے ہڈیارہ میں 14 سالہ بچہ گولی لگنے سے جاں بحق ہوگیا۔
پولیس کا کہنا ہے کہ حیدر ارشد نامی شہری اپنا پستول صاف کر رہا تھا کہ گولی چل گئی۔ 14 سالہ عبداللہ ارشد کے پاس بیٹھا تھا گولی بچے کو جا کر لگی۔
پولیس کے مطابق زخمی کو سروسز ہسپتال پہنچایا گیا لیکن وہ جانبر نہ ہو سکا ۔پولیس نے لاش کو پوسٹمارٹم کے لئے مردہ خانے بھجوا دیا ہے۔
پولیس کے مطابق واقعے کی مزید تحقیقات کے بعد مکمل حقائق سامنے لائے جا سکیں گے۔
