بھارت کے دارالحکومت نئی دہلی میں مون سون بارش نے نظام زندگی متاثر کر دیا۔ 46 سال بعد مون سون سیزن میں 1100 ملی میٹر بارش ریکارڈ کی گئی.
بھارتی میڈیا کے مطابق نئی دہلی میں موسلادھاراور طوفانی بارش کے بعد ائیرپورٹس گلیوں اورسڑکوں پرپانی جمع ہوگیا۔ نئی دہلی سے 4 ڈومیسٹک اور بین الاقوامی پرواز وں کوجے پور اور احمد آباد کی طرف موڑ دیا گیا.
خبر رساں ایجنسی اے این آئی کی جانب سے شیئر کیے گئے مناظر میں ہوائی اڈے پر زمین پر طیارے دکھائے گئے جو جزوی طور پر سیلاب میں ڈوبے ہوئے ہیں۔
#WATCH | Parts of Delhi Airport waterlogged following heavy rainfall in the national capital; visuals from Indira Gandhi International Airport (Terminal 3) pic.twitter.com/DIfUn8tMei
— ANI (@ANI) September 11, 2021
خراب موسم نے ہوائی اڈے پر فلائٹ آپریشن کو متاثر کیا ہے۔ ایئرلائنز نے مسافروں سے درخواست کی ہے کہ وہ ائیر پورٹ سے روانگی سے قبل اپنی فلائٹ سٹیٹس کو ٹریک کریں۔
بھارت کے محکمہ موسمیات نے دہلی اور اس سے ملحقہ علاقوں میں گرج چمک کے ساتھ مزید موسلادھار بارش کی پیش گوئی کرتے ہوئے اورنج الرٹ جاری کر دیا ہے۔
نئی دہلی میں 46 سال کی ریکارڈ بارش ہے اس سے پہلے1975 میں 1050ملی میٹر بارش ریکارڈ کی گئی تھی.
محکمہ موسمیات کے مطابق عام طور پر دہلی میں مون سون سیزن کے دوران 648.9 ملی میٹر بارش ریکارڈ کی جاتی ہے۔
انڈین میڈیا کے مطابق نئی دہلی میں سڑکیں اور گلیاں پانی میں ڈوبی ہوئی ہیں اور آمد ورفت کا نظام بری طرح سے متاثر ہو ا ہے۔