لندن: دنیا کی بہترین ایئر لائنز میں شمار ہونے والی برٹش ایئرویز نے نئی لیکن سستی ایئر لائن شروع کرنے کا منصوبہ بنا لیا ہے۔
برٹش ایئرویز کی برطانیہ سے لاہور کیلئے براہ راست پروازوں کا آغاز
برطانوی خبر رساں ایجنسی روئٹرز کے مطابق برٹش ایئر ویز کی نئی ایئرلائن لندن کے دوسرے بڑے ایئرپورٹ گیٹوک سے شروع کی جائے گی۔
خبر رساں ایجنسی کے مطابق برٹش ایئرویز کے چیف ایگزیکٹیو شان ڈوئل نے ہیتھرو ایئرپورٹ پر ذرائع ابلاغ سے بات چیت کرتے ہوئے کہا کہ وہ ایسی ایئر لائن شروع کرنا چاہتے ہیں جس کے ٹکٹ کی قیمت دیگر کے مقابلے میں کم ہو۔
انہوں نے واضح طور پراعلان کیا کہ کم قیمت ٹکٹ والی ایئر لائن شروع کر کے ہم اس مقابلے میں شریک ہونے جا رہے ہیں۔ ان کا کہنا تھا کہ اس حوالے سے بات چیت آگے بھی بڑھ چکی ہے۔
برٹش ایئرلائن کی مالک کمپنی اینگلو سپینش گروپ آئی اے جی نے مختصر دورانیے کی پروازیں چلانے کے نئے بزنس کے منصوبے کا اعلان کیا تھا۔ اس ضمن میں کمپنی کا کہنا تھا کہ وہ برٹش ایئرویز کے جہازوں کو ہی برانڈڈ کر کے اسی معیار کی سروس فراہم کرے گی۔
امریکی ایئر لائن کا آواز کی رفتار سے تیز مسافر طیارے خریدنے کا اعلان
برٹش ایئرویز کے چیف ایگزیکٹیو شان ڈوئل نے بات چیت میں کہا کہ اگر نیا یونٹ لگانے کے لیے یونین سے مذاکرات ناکام ہو گئے تو برٹش ایئرویز گیٹوِک پر دیگر ایئرلائنز کے مقابلے میں نئی آ سکے گی اور ان کو وہاں اپنے سلاٹس فروخت کرنا پڑ سکتے ہیں۔
ذرائع ابلاغ کے استفسار پر انہوں نے کہا کہ نئی ایئر لائن شروع کرنے کا بنیادی مقصد نئے مواقع کی تلاش ہے۔
برٹش ایئرویز کو پاکستان پروازوں کی بحالی پر خوشی ہے، برطانیہ
واضح رہے کہ عالمی وبا قرار دیے جانے والے کورونا وائرس کے دوران برٹش ایئرویز نے اپنے کم از کم 10 ہزار ملازمین کو فارغ کیا تھا۔
