اسلام آباد: وفاقی وزیر اطلاعات فواد چوہدری نے کہا ہے کہ فیک نیوز ملکی سلامتی کے لیے خطرہ ہے۔
وفاقی وزیر اطلاعات فواد چوہدری نے اپنے ایک بیان میں کہا ہے کہ فیک نیوز ملکی سلامتی کے لیے خطرہ ہے اور فیک نیوز سے متعلق بات حقیقت پر مبنی ہے اسی لیے میڈیا سے متعلق بل لا رہے ہیں۔
انہوں نے کہا کہ آزادی صحافت کو سب سے بڑا خطرہ زرد صحافت سے ہے۔
وفاقی وزیر اطلاعات نے کہا کہ یوم دفاع کی تقریب میں آرمی چیف نے ڈس انفارمیشن کو ملکی سلامتی کے لیے خطرہ قرار دیا اور فیک نیوزسے متعلق آرمی چیف کا تجزیہ حقیقت پر مبنی ہے اسی لیے پی ایم ڈی اے لا رہے ہیں۔
یہ بھی پڑھیں: عمران خان نے ووٹ اور جیب پر ڈاکہ ڈالا،حساب لیں گے، بلاول بھٹو
انہوں نے کہا کہ فیک نیوز اور ڈس انفارمیشن جیسے چیلنجز سے نمٹنے کے لیے پی ایم ڈی اے لارہے ہیں۔
