ممبئی: بھارتی اداکارہ کو کروڑوں روپے کے بھتے اور فراڈ کے مقدمے میں گرفتار کرلیا گیا ہے۔ گرفتار کی جانے والی بھارتی اداکارہ لینا ماریا پال پر دہلی میں 200 کروڑ روپے کے بھتے اور فراڈ کا مقدمہ ہے۔
بالی ووڈ انتہائی زہریلی جگہ ہے، کنگنا رناوت
بھارتی ذرائع ابلاغ کے مطابق اداکارہ لینا ماریا پال نے معروف بھارتی فلم مدراس کیفے میں نمایاں کردار ادا کیا تھا۔ یہ فلم 2013 میں بنائی گئی تھی۔
انہوں ںے ریڈ چلیز، ہسبینڈ ان گوا، کوبرا اور بریانی نامی فلموں میں بھی کام کیا لیکن بنیادی طورپروہ ملائم اداکارہ کے طور پر شناخت کی حامل ہیں۔
ذرائع ابلاغ نے اس حوالے سے دعویٰ کیا ہے کہ پولیس کا مؤقف ہے کہ اداکارہ کے ساتھ اس مقدمے میں ان کے بوائے فرینڈ سوکیش چندرا شیکھر بھی ملوث ہیں۔
اداکارہ شلپا شیٹھی شوہر سے علیحدگی کا سوچنے لگیں
اطلاعات کے مطابق دہلی پولیس کے اکنامک آفینس ونگ نے لینا ماریا پال کو مبینہ طور پر اپنے بوائے فرینڈ کی مدد کرنے پر گرفتار کیا ہے۔
اس ضمن میں ذرائع ابلاغ کا کہنا ہے کہ اداکارہ کی گرفتاری کے لیے تحقیقاتی اداروں اور پولیس نے بھرپور نگرانی کی تھی۔
بھارتی اداکارہ کی شوہر کے ہمراہ نماز ادا کرنے کی ویڈیو مقبول
پولیس کی جانب سے اب تک کی جانے والی تحقیق کے مطابق اداکارہ لینا ماریا پال اور ان کے بوائے فرینڈ پر الزام ہے کہ انہوں نے بہت سے لوگوں سے فراڈ کرکے کروڑوں روپے ہتھیائے ہیں۔
