افغان طالبان نے کہا ہے کہ کابل ایئرپورٹ پر ہونے والے دھماکوں کے باوجود امریکی فوجیوں کے انخلا کی تاریخ میں توسیع نہیں ہوگی۔
ایک بیان میں طالبان نے کہا کہ کابل دھماکوں میں انہوں نے امریکی فوجیوں سے زائد اپنے بندے گنوائے۔ امریکہ کو اپنے انخلاء مکمل کرنے کے لیے 31 اگست کی آخری تاریخ بڑھانے کی ضرورت نہیں ہے۔
یہ بھی پڑھیں: کابل ایئر پورٹ حملہ بھولیں گے اور نہ معاف کریں گے، امریکی صدر
اس نقصان کے باوجود وہ امریکی افواج کے انخلا کی تاریخ میں توسیع نہیں کریں گے۔ طالبان نے مزید کہا ہے کہ افغانستان کے تمام ایئر پورٹس پر واچ ٹاور قائم کیے جائیں گے۔
ایک عہدیدار نے خبر رساں ادارے رائٹرز کو بتایا کہ کابل ایئرپورٹ بم دھماکوں میں طالبان کے کم از کم 28 ارکان جاں بحق ہوئے۔
کابل ایئرپورٹ پر جمعرات کو ہونے والے دھماکے میں 13 امریکی فوجی سمیت 90 افراد جاں بحق ہوگئے۔ دہشت گرد تنظیم داعش نے ان دھماکوں کی ذمہ داری قبول کی ہے۔
