وفاقی حکومت نے یکم جون سے آئندہ 15 روز کے لیے پٹرولیم مصنوعات کی قیمتیں برقرار رکھنے کی سمری تیار کرلی ہے۔ پیٹرولیم مصنوعات کی قیمتوں میں اضافے کا فیصلہ آج کیا جائے گا۔
ذرائع کے مطابق آئل اینڈ گیس ریگولیٹری اتھارٹی کی جانب سے پٹرولیم مصنوعات کی قیمتوں میں ردوبدل کی سمری وزارت خزانہ کو موصول ہوگئی ہے۔ یکم جون سے پیٹرول اور ڈیزل مہنگا ہو سکتا ہے.
ذرائع کے مطابق سمری میں پیٹرول اور مٹی کے تیل کی قیمت میں معمولی اضافے جبکہ ڈیزل کی قیمت میں 4 روپے 30 پیسے فی لیٹر اضافے کی سفارش کی گئی ہے.
مزید پڑھیں: پیٹرولیم مصنوعات کی قیمتوں میں اضافے کی سمری ارسال
سمری میں لائٹ ڈیزل کی قیمت برقرار رکھے جانے کی سفارشات سمری کا حصہ ہیں۔
ذرائع کا کہنا ہے کہ سمری وزارت خزانہ کو حتمی منظوری کیلئے بھجوا دی گئی ہے جبکہ وزیراعظم کی حتمی منظوری کے بعد نئی قیمتوں کا اعلان کیا جائے گا۔
