پشاور: خیبرپختونخوا میں 24 گھنٹوں کے دوران کورونا وائرس سے مزید 5 افراد جاں بحق جبکہ 157 متاثر ہوئے ہیں۔
محکمہ صحت خیبرپختونخوا کے مطابق صوبے میں کورونا وائرس کےمصدقہ کیسز کی تعداد 32 ہزار 243 ہو گئی ہے جبکہ وبا سے اموات کی تعداد 1147 تک پہنچ چکی ہے۔
خیال رہے کہ پاکستان میں کورونا وائرس سے اموات کی مجموعی تعداد 5599 ہو گئی ہے اور2 لاکھ 63 ہزار 496 افراد متاثر ہیں۔ دو لاکھ پانچ ہزار 929 افراد صحت یاب ہوچکے ہیں۔
پاکستان میں کورونا کیسز کی تعداد تیزی سے کم ہو رہی ہے اور نیشنل کمانڈ اینڈ آپریشنل سینٹر کی جانب سے جاری اعداد و شمار کے مطابق گزشتہ 24 گھنٹوں میں کورونا کے صرف 1587 کیسز رپورٹ ہوئے اور 31 افراد کا انتقال ہوا۔
یہ بھی پڑھیں:سندھ: کورونا سے مزید 22 افراد جاں بحق، 880 متاثر
گزشتہ 24 گھنٹے کے دوران 19 ہزار 108 ٹیسٹ کیے گئے۔ ملک بھر میں کورونا کے 17 لاکھ 40 ہزار 768 ٹیسٹ کیے جا چکے ہیں۔
سندھ میں 7 ہزار 977، پنجاب 7 ہزار 24، خیبر پختونخوا 2 ہزار 275، بلوچستان 194، آزاد کشمیر میں 277 اور اسلام آباد میں ایک ہزار 259 میں ٹیسٹ کئے گئے۔ گلگت بلتستان میں گزشتہ 24 گھنٹے کے دوران 102 کورونا ٹیسٹ کیے گئے۔
سندھ میں کورونا مریضوں کی تعداد ایک لاکھ 13 ہزار سات ہوگئی۔ بلوچستان 11436، اسلام آباد 14,599، آزاد جموں و کشمیر1,915، گلگت بلتستان 1849 اور پنجاب میں 90191 کورونا مریض ہیں۔
پنجاب میں کورونا وائرس سے جاں بحق افراد کی تعداد 2 ہزار 83، سندھ میں ایک ہزار 993، خیبر پختونخوا میں ایک ہزار 142، اسلام آباد میں 159، بلوچستان میں 132، آزاد کشمیر میں 47 اور گلگت بلتستان میں 43 ہو چکی ہے۔
ملک بھر میں کورونا کے ایکٹو کیسزکی تعداد 53 ہزار 555 ہے۔ ملک میں کورونا ٹیسٹنگ صلاحیت یومیہ 60 ہزار سے زائد ہوگئی ہے۔ اور 132 ٹیسٹنگ لیبارٹریز کام کر رہی ہیں۔ 30 شہروں میں ٹریس، ٹیسٹ اورقرنطینہ حکمت عملی موثر طریقے سے کام رہی ہے۔
