لبنان میں حکومت مخالف احتجاج کے دوران خاتون صحافی کو بوسہ دینے کی ویڈیو سے سوشل میڈیا پر نئی بحث شروع ہوگئی ہے۔
نیوزچینل’سکائی نیوز عربیہ‘ سے تعلق رکھنے والی صحافی براہ راست رپورٹنگ کر رہی تھی کہ ایک نوجوان نے نامناسب حرکت کی۔
لبنان کے ایک اینکر نے ویڈیو سوشل میڈیا پر ’ انقلابی کا بوسہ‘ کے عنوان سے شیئر کی ہے۔
قُبلَة ثائر!#لبنان_ينتفض pic.twitter.com/OCMTkGGDtH
— نيشان (@Neshan) November 10, 2019
ویڈیو سوشل میڈیا پر مشہور ہونے کے بعد خواتین کو عوامی مقامات پر حراساں کیے جانے کی بحث زور پکڑ گئی ہے۔
خواتین اور انسانی حقوق کے لیے کام کرنے والی مقامی و بین الاقوامی تنظیموں نے اس پر شدید رد عمل دیا ہے جبکہ کچھ لوگ اس کو مزاح کے طور پر لے رہے ہیں۔
سوشل میڈیا صارفین کا ایک بڑا حصہ نواجوان کو غیر اخلاقی حرکت کا ذمہ دار ٹھہرا رہا ہے اور اس پر خوب تنقید کی جا رہی ہے۔
خیال رہے کہ لبنان میں مہنگائی اور بے روزگاری کے سبب حکومت مخالف مظاہرے جاری ہیں جس کے دباو سے وزیراعظم سعد حریری مستعفی ہو چکے ہیں۔