ویب ڈیسک: صدر ڈونلڈ ٹرمپ امریکی میڈیا پر ایک بار پھر برس پڑے اور تمام ٹی وی چینلز اور اخبارات کو چھوٹا قرار دیا۔
اپنے ایک ٹویٹ میں صدر ٹرمپ نے گلہ کیا کہ سارا امریکی میڈیا ان کے خلاف منفی پروپیگنڈا کر رہا ہے۔ ان کا کہنا ہے کہ وہ اپنے لیے نہیں بلکہ امریکی قوم کے لیے انتخابات جیتنا چاہتے ہیں۔
ڈونلڈ ٹرمپ نے کہا فوکس نیوز سیمت دوسرے ذرائع ابلاغ کے ادارے عظیم امریکی قوم کو مایوس اور گمراہ کر رہے ہیں۔ ان کا کہنا تھا وقت آگیا ہے کہ امریکی قوم اپنے لیے ابلاغ کے نئے ذرائع تلاش کرے۔
….I don’t want to Win for myself, I only want to Win for the people. The New @FoxNews is letting millions of GREAT people down! We have to start looking for a new News Outlet. Fox isn’t working for us anymore!
— Donald J. Trump (@realDonaldTrump) August 28, 2019
ان کا کہنا ہے کہ امریکی میڈیا قوم کے مفاد کے لیے کام نہیں کر رہا، اور قوم کو ذرائع ابلاغ کے نئے آؤٹ لیٹس تلاش کرنے ہونگے۔
یہ بھی پڑھیں: ٹرمپ نے پائپ بم کے واقعات کا ذمہ دار امریکی میڈیا کو قرار دے دیا
امریکہ میں 2020 میں ہونے والے انتخابات کے لیے مہم زوروشور سے جاری ہے، اور ڈونلڈ اپنی اب تک کی کارکردگی کو بنیاد بنا کر سیاسی مہم چلا رہے ہیں۔
اس سے قبل بھی صدر ٹرمپ متعدد بار امریکی میڈیا کو جھوٹا قرار دے چکے ہیں۔