اقوام متحدہ میں پاکستان کی مستقل مندوب ملیحہ لودھی نے کہا ہے کہ خطے میں پائیدار امن کے لیے کشمیر سے متعلق سلامتی کونسل کی قراردادوں کی تعمیل ضروری ہے۔
سماجی رابطوں کی ویب سائٹ ٹوئٹر پرجاری اپنے بیان میں ملیحہ لودھی نے کہا کہ شاہ محمود قریشی نے اپنے خط میں اقوام متحدہ کے سیکرٹری جنرل انتونیو گوتریس پر یہ واضح کر دیا ہے کہ سلامتی کونسل کی قراردادوں کی رؤ سے کسی بھی یکطرفہ فیصلے کے ذریعے کشمیریوں کے حقوق غصب نہیں کیے جاسکتے۔
I will also be handing over to President of SC, the letter from FM SM Qureshi to UNSG which categorically rejects the illegal Indian annexation of occupied J&K in express violation of SC resolutions and calls upon the SC to ensure full compliance with its own resolutions on J&K pic.twitter.com/ekf8nTzJ6k
— Maleeha Lodhi (@LodhiMaleeha) August 6, 2019
انہوں نے مزید کہا کہ وہ وزیر خارجہ شاہ محمود کا اقوام متحدہ کے سیکرٹری جنرل کے نام لکھا ہوا خط آج سلامتی کونسل کے صدر کے حوالے کرینگی ۔
ان کا کہنا تھا کہ وزیر خارجہ شاہ محمود قریشی نے اپنے خط میں جموں و کشمیر کو غیر قانونی طور پر بھارت میں شامل کرنے کو مکمل طور پر مسترد کیا ہے۔
ملیحہ لودھی نے مزید کہا کہ وزیر خارجہ شاہ محمود قریشی نے اقوام متحدہ پر زور دیا ہے کہ وہ کشمیر سے متعلق اپنی قراردادوں پر عمل درآمد کروائیں۔
ملیحدہ لودھی نے کہا کہ وہ آج اقوام متحدہ کے صدر کو بھارتی اقدام کے بعد کشمیر میں پیدا ہونے والی امن و آمان کی صورت حال سے بھی آگاہ کرینگی۔
یہ بھی پڑھیے: مسئلہ کشمیر: سلامتی کونسل نے اپنی ذمہ داری نہیں نبھائی،ملیحہ لودھی