اسلام آباد:پاک فضائیہ کے لڑاکا طیاروں نے روڈ رن وے موٹر وے پر لینڈنگ کا مظاہرہ کیا ہے ۔ طیاروں نے موٹروے اور ہائی وے پرمختلف مقامات پر لینڈنگ اور ٹیک آف کا کامیاب مظاہرہ کیا۔ لینڈنگ کے بعد طیاروں کو موٹروے پر ہی ہتھیاروں سے لیس کیا گیا۔
موٹروے پر ہی پاک فضائیہ کے طیاروں کو ایندھن کی فراہمی کا کامیاب مظاہرہ بھی کیاگیا۔ حکام کے مطابق اس مشق کا مقصد پاک فضائیہ کے ہائی ٹیمپو فضائی آپریشنز کے تسلسل کو برقرار رکھنے کی صلاحیت کا مظاہرہ کرنا تھا۔وفاقی وزیر برائے مواصلات، مراد سعیدکے علاوہ سینئر ملٹری افسران اور اعلٰی سول عہدیداران بھی اس موقع پر موجود تھے۔
دوسری طرف یوم پاکستان کی پریڈ کے لیے چین سے آنے والے طیاروں نے بھی آج وفاقی دارالحکومت اسلام آباد میں فضائی پریکٹیس کا شاندار مظاہرہ کیا ۔
چینی سفارتکار لی جیان ژاؤنے سماجی رابطے کی ویب سائٹ پر اپنے پیغام میں لکھا کہ ’اگست فرسٹ یعنی با ژی ایکروبیٹ ٹیم چین سے پاکستان پہنچ گئی ہے ۔
انہوں نے لکھا یہ پیپلز لبریشن آرمی ائر فورس کی ٹیم ہے ۔اس کا نام یکم اگست 1927کو قائم ہونے والی پیپلزلبریشن آرمی کی مناسبت سے رکھا گیاہے ۔ یہ یونٹ 2013سے دنیا کے 166ممالک میں 500سے زائد مرتبہ اپنے فن کا مظاہرہ کرچکاہے ۔
August 1st or Ba Yi Aerobatics Team came to Pakistan! It is the aerobatic demonstration team of People's Liberation Army Air Force. It is named after the date of founding of PLA (August 1, 1927). The unit has performed over 500 times for 166 countries & regions since 2013. https://t.co/EdQYNOJ8UJ
— Lijian Zhao 赵立坚 (@zlj517) March 18, 2019
اس سے قبل خبر آئی تھی کہ یوم پاکستان کی تیاروں کے سلسلے میں آج موٹروے ایم ون اور موٹروے ایم ٹو بند رہے گی۔
ڈپٹی کمشنر اسلام آباد محمد حمزہ شفقات نے سماجی رابطے کی ویب سائٹ ٹوئٹر پر موٹروے سے سفر کرنے والوں کو آگاہ کیا ہے کہ پاکستان ڈے پریڈ کی تیاریوں کے حوالے سے 18 مارچ کو موٹروے ایم ون اور موٹروے ایم ٹو ٹریفک کے لیے بند رہے گی۔
Due to the ongoing preparations of Pakistan Day Parade, M1 (Peshawar-Islamabad) shall remain closed for all types of traffic from Burhan to Swabi (mile stone 387 to 420) between 0700 to 1300 hrs on Monday, March 18, 2019.
— Deputy Commissioner Islamabad (@dcislamabad) March 18, 2019
اسلام آباد سے پشاور جانے والی موٹروے ایم ون برہان سے صوابی جب کہ اسلام آباد سے لاہور جانے والی موٹروے ایم ٹو ہر طرح کی ٹریفک کے لیے صبح سات بجے سے دوپہر ایک بجے تک بند رہے گی۔
ڈپٹی کمشنر اسلام آباد کا لوگوں کو آگاہ کرنے کا مقصد پیشگی پریشانی سے بچانا ہے۔
یہ بھی پڑھیں اسلام آباد: یوم پاکستان کی تیاریاں مکمل، 13سرگرمیوں پر پابندی عائد
ترجمان موٹروے پولیس کے مطابق پاکستان ڈے کے موقع پر حفاطتی اقدامات کے پیش 17، 19 اور 21 مارچ کو صبح 12 سے دوپہر 2 بجے تک ہیوی ٹریفک کا داخلہ اسلام آباد راولپنڈی میں ممنوع ہو گا، شہریوں سے گزارش ہے کہ غیرضروری سفر سے گریز کریں۔
ترجمان نے کہا ہے کہ سفر شروع کرنے سے پہلے ہیلپ لائن 130 سے مدد لیں، موبائل فون ایپلیکیشن ” این ایچ ایم پی ہمسفر ‘‘ میں تازہ ترین ٹریول ایڈوائزری جاری کر دی گئی ہے۔
پاکستان ڈے سے قبل اسلام آباد میں سیکیورٹی کے بھی سخت انتظامات کیے گئے ہیں اور پریڈ گراؤنڈ سے ملحقہ علاقوں میں انٹیلی جنس بیسڈ سرچ آپریشن روزانہ کی بنیاد پر کرنے کے احکامات بھی جاری کیے گئے ہیں۔
واضح رہے کہ یوم پاکستان 23 مارچ کو قومی جوش و جذبے سے منانے کی تیاریاں جاری ہیں جب کہ پاک فوج کی جانب سے ریہرسل بھی شروع کر دی گئی ہے۔