اسلام آباد: پرندے کی ٹکر سے بھارتی طیارے کی تباہی سوشل میڈیا پر مذاق بن گیا۔ سوشل میڈیا ایکٹیویسٹ بھارتی طیارے کی تباہی کو ایک کوے کا انتقام قرار دے رہے ہیں۔
بھارتی علاقے راجھستان میں ایک اور بھارتی جیٹ طیارہ گر کر تباہ ہونے سے سوشل میڈیا پر بھارت کا مذاق بن گیا اور بھارتی فضائیہ کے طیارے کی تباہی کو ایک کوے کا بدلہ قرار دیا جا رہا ہے۔
سوشل میڈیا پر کہا جا رہا ہے کہ بھارتی طیارے نے بالاکوٹ میں ایک کوے کو مار گرایا تھا جس کے جواب میں کوے کے دوستوں نے بھارتی طیارہ زمین پر پٹخ دیا۔
انڈیا نے بالا کوٹ میں جس کوے کو قتل کیا تھا,
آج اس کوے کے بھائی نے بھارتی مگ 21 طیارہ تباہ کر کے بدلہ لے لیا ۔? #ادب_کا_سفر pic.twitter.com/bQIw9WVCPo— Qamar Khan Jiskani (@qamar_jiskani) March 8, 2019
سوشل میڈیا پر کسی نے کہا کہ کوے کے دوستوں نے جوابی کارروائی میں بھارتی طیارہ زمین پر پٹخا دیا۔ تو کسی نے اسے کوے کے بیٹے اور کسی نے کوے کے ابا کا بدلہ قرار دیتے ہوئے بھارتی فضائیہ کی نااہلی پر طنز کے تیر برسائے۔
یہ وہی کوے کا بیٹا تھا جو کچھ دنوں پہلے سرجیکل سٹرایک میں مارا گیا تھا ۔ آج اسکے بیٹے نے اپنے باپ کا بدلہ لے لیا ۔ https://t.co/qBV0rplYOd
— Kamran Sh£hzad ™ (@Kamran__Tweets) March 9, 2019
واضح رہے کہ گزشتہ روز بھارت کا ایک اور مگ 21 طیارہ پرندہ ٹکرانے سے گر کر تباہ ہو گیا تھا تاہم بھارتی پائلٹ اپنی جان بچانے میں کامیاب ہو گیا تھا۔
بھارتی وزارت دفاع کے ترجمان نے کہا کہ مگ 21 طیارہ معمول کی تربیتی مشق کے دوران بیکانیر کے قریب گر کر تباہ ہوا۔ حادثے میں پائلٹ محفوظ رہا جب کہ حادثے کی تحقیقات کی جائیں گی۔
یاد رہے کہ گزشتہ ایک ماہ میں بھارت کا یہ 9 واں طیارہ گر کر تباہ ہوا ہے۔
پاکستان نے بھی 27 فروری کو فضائی حدود کی خلاف ورزی پر دو بھارتی طیارے مار گرائے تھے۔