لاہور قلندرز کے بلے باز اور ملتان سلطانز کے خلاف میچ کے ہیرو اے بی ڈیویلیئرز نے کہا ہے کہ شارجہ میں تماشائیوں سے بھرے ہوئے گراؤنڈ میں کھیل کر وہ بہت لطف اندوز ہوئے۔
اپنے ٹوئٹر پیغام میں ان کا کہنا تھا کہ ہم نے میچ کے ہر لمحے بھرپور محنت کرتے ہوئے پوری جان لڑا دی۔
Special game of Cricket tonight in front of a packed Sharjah crowd, I enjoyed every second out there with the @lahoreqalandars , we fought for every inch. @OfficialPSLT20 lighting up now, quality of Cricket is from the top drawer! Ps. Super game from “my” MOM @David_Wiese
— AB de Villiers (@ABdeVilliers17) February 22, 2019
ان کا کہنا تھا کہ پاکستان سپر لیگ کا معیار کرکٹ بہترین ہے۔ انہوں نے اس موقع پر ساتھی کھلاڑی ڈیوڈ ویز کی اننگز کی بھی تعریف کی۔
خیال رہے کہ ملتان سلطانز کے خلاف میچ کے دوران اے بی ڈیویلیئرز نے 52 رنز کی برق رفتار اننگز کھیلی تھی جس کے باعث ان کی ٹیم میچ میں 201 رنز کا پہاڑ جیسا ہدف عبور کرپائی۔
ڈیویلیئرز کے علاوہ ڈیوڈ ویز اور فخر زمان نے بھی شاندار اننگز کھیلیں۔ شاندار اننگز کھیلنے پر ڈیویلیئرز کو میچ کا بہترین کھلاڑی قرار دیا گیا۔
