امریکی ریاست منی سوٹا میں فائرنگ سے 2 افراد ہلاک اور تین پولیس اہلکاروں سمیت 6 افراد زخمی ہو گئے جبکہ جوابی کارروائی میں حملہ آور بھی مارا گیا۔
امریکی میڈیا کے مطابق فائرنگ کا واقعہ منیا پولیس کی اپارٹمنٹ بلڈنگ میں پیش آیا۔ تاہم حملہ آور سے متعلق اور زخمیوں کی حالت کے بارے میں معلومات سامنے نہیں آئیں، یہ بھی واضح نہیں ہوسکا کہ فائرنگ کی وجہ کیا تھی۔
منی سوٹا کے گورنر ٹم والز کا کہنا ہے کہ قانون نافذ کرنے والے اہلکار واقعے سے نمٹ رہے ہیں۔
سب سے زیادہ پڑھی جانے والی
ویڈیو میں دیکھا جا سکتا ہے کہ فائرنگ کے واقعے کے بعد درجنوں پولیس اہلکار اپارٹمنٹ کی عمارت میں داخل ہو گئے۔ بعد میں بھاری ہتھیاروں سے لیس پولیس اہلکار عمارت کے باہر پہرہ دیتے دکھائی دیے، جبکہ کئی افراد کو اسٹریچرز پر عمارت سے باہر لایا گیا۔
My public safety team is responding to a shooting that took place downtown Minneapolis this afternoon.
State officials are on the ground to support local law enforcement and we will share more information as it becomes available.
— Governor Tim Walz (@GovTimWalz) September 2, 2026
منیا پولیس کے میئر جیکب فری نے پریس کانفرنس میں کہا، “پولیس اہلکاروں کی بہادری اور بروقت کارروائی نہ ہوتی تو ہلاکتوں کی تعداد کہیں زیادہ ہوتی۔”
کرس ملر جو اسی اپارٹمنٹ بلڈنگ میں رہتے ہیں، نے بتایا کہ انہوں نے تیزی سے یکے بعد دیگرے گولیاں چلنے کی آواز سنی اور اپنی حفاظت کے لیے فوراً عمارت سے باہر نکل گئے۔
انہوں نے کہا کہ رواں ہفتے کے آغاز میں انہوں نے راہداری میں ایک شخص کو ہینڈ گن لیے دیکھا تھا اور اس شخص کے بارے میں عمارت کی انتظامیہ کو اطلاع بھی دی تھی۔
یہ واقعہ ایسے وقت میں پیش آیا ہے جب امریکا میں روزمرہ کی عوامی جگہوں پر بڑے پیمانے پر فائرنگ کے واقعات میں اضافہ دیکھنے میں آ رہا ہے۔ یہ واقعہ Annunciation Catholic Church سے صرف 5 میل کے فاصلے پر پیش آیا، جہاں گزشتہ سال ایک حملہ آور نے فائرنگ کرکے دو بچوں کو ہلاک اور 27 افراد کو زخمی کر دیا تھا، جس سے پوری کمیونٹی شدید صدمے سے دوچار ہوئی تھی۔
