لارڈز میں کھیلے گئے ٹیسٹ میچ میں انگلینڈ کے ہاتھوں قومی کرکٹ ٹیم کی شکست کے بعد ٹیسٹ ٹیم کے ہیڈ کوچ سرفراز احمد کا مستقبل خطرے میں پڑ گیا۔
اطلاعات کے مطابق وائٹ بال ٹیم کے ہیڈ کوچ مائیک ہیسن جو ابتدائی طور پر شہزاد چارلس کے عشائیے کے لیے ڈائریکٹر ہائی پرفارمنس عاقب جاوید کے ساتھ لندن پہنچے ہیں ،لارڈز ٹیسٹ میں قومی ٹیم کی 194 رنز کی شکست کے بعد اب انہیں ٹیسٹ ٹیم کے معاملات بھی سپرد کرنے کی خبریں زیر گردش ہیں۔
انگلینڈ نے لارڈز ٹیسٹ میں پاکستان کو 194 رنز سے شکست دے کر سیریز میں دو صفر کی ناقابلِ شکست برتری حاصل کر لی ہے۔ قومی ٹیم 389 رنز کے تعاقب میں 194 رنز پر آؤٹ ہو گئی۔
سب سے زیادہ پڑھی جانے والی
اس سے قبل لیڈز میں کھیلے جانے والے ٹیسٹ میں بھی انگلینڈ نے پاکستان کو اننگ اور 103 رنز سے شکست دی تھی۔
ابتدائی اطلاعات کے مطابق پاکستان کرکٹ بورڈ (پی سی بی) نے مائیک ہیسن سے نہ صرف ٹیسٹ ٹیم کے معاملات دیکھنے کو کہا ہے بلکہ اب وہ برمنگھم کے ایجبیسٹن کرکٹ گراؤنڈ پر 9 ستمبر سے شروع ہونے والے تیسرے اور آخری ٹیسٹ کی ٹیم کے ساتھ مصروف ہونے کے ساتھ ساتھ ڈریسنگ روم میں بھی موجود ہوں گے۔
مائیک ہیسن کے حوالے سے پی سی بی کے فیصلے کے بعد ریڈ بال ٹیم کے ہیڈ کوچ سرفراز احمد کا مستقبل خطرے میں پڑ گیا ہے۔
امکان ظاہر کیا جا رہا ہے کہ ون ڈے اور ٹی ٹوئنٹی کے بعد مائیک ہیسن ٹیسٹ ٹیم کی کوچنگ کی ذمہ داریاں بھی سنبھالیں گے اور سرفراز احمد کو انگلینڈ کے دورے کے بعد ٹیسٹ ٹیم کی کوچنگ سے ہٹا دیا جائے گا۔
