پاکستان اسٹاک ایکسچینج میں کاروبار کے آغاز پر تیزی،امریکی ڈالر کی قدر بھی گر گئی

پاکستان اسٹاک ایکسچینج میں کاروبار کے آغاز پر تیزی دیکھنے میں آئی جبکہ پاکستانی روپیہ کے مقابلے میں امریکی ڈالر کی قدر بھی گر گئی۔

پاکستان اسٹاک ایکسچینج میں 100انڈیکس میں 1400پوائنٹس کااضافہ ہوا،100انڈیکس ایک لاکھ81ہزار428پوائنٹس پرٹریڈ کرتے دیکھاگیا۔

معاشی استحکام سے ترقی کی جانب بڑھ رہے ہیں، بجٹ کاروبار، برآمدات اور تنخواہ دار طبقے کے لیے سازگار ہے، وزیر خزانہ

دوسری جانب ایکسچینج کمپنیزایسوسی ایشن پاکستان کے مطابق انٹربینک میں پاکستانی روپیہ کے مقابلے میں امریکی ڈالر1پیسےسستاہوگیا،انٹربینک میں ڈالر277روپے74پیسے کاہوگیا۔

یاد رہے گزشتہ روز بھی پاکستان سٹاک ایکسچینج میں کاروبار کے دوران تیزی دیکھنے میں آئی تھی اور بینچ مارک کے ایس ای 100 انڈیکس 2931.71 پوائنٹس اضافے کے ساتھ 180014.93 پوائنٹس پر بند ہوا تھا۔

ریڈی مارکیٹ میں مجموعی طور پر740.558 ملین شیئرز کا لین دین ہواجن کی مجموعی مالیت35.907ارب روپے رہی جبکہ مارکیٹ کی مجموعی سرمایہ کاری (مارکیٹ کیپیٹلائزیشن) بھی 19.833 ٹریلین روپے سے بڑھ کر 20.090 ٹریلین روپے ہو گئی۔ مارکیٹ میں مجموعی طور پر 563 کمپنیوں کے حصص کا لین دین ہوا،303کمپنیوں کے حصص کی قیمتوں میں اضافہ،158 کی قیمتوں میں کمی اور 102 کمپنیوں کے حصص کی قیمتیں مستحکم رہیں۔

اسٹیٹ بینک کا شرح سود برقرار رکھنے کا فیصلہ ، معیشت پر کیا اثر پڑے گا؟

حجم کے اعتبار سے ٹرسٹ بروکریج سرفہرست رہی جہاں 52.879 ملین شیئرز کا کاروبار ہوا۔ اس کے بعد ورلڈ کال ٹیلی کام کے 42.520 ملین اور سینرجیکو پی کے کے 40.200 ملین شیئرز کا لین دین ریکارڈ کیا گیا۔سب سے زیادہ اضافہ کرنے والے حصص میں پی آئی اے ہولڈنگ کمپنی لمیٹڈ (بی) نمایاں رہی جس کے حصص کی قیمت 336 روپے اضافے کے بعد 17896 روپے پر بند ہوئی۔ دی تھل انڈسٹریز کارپوریشن لمیٹڈ کے حصص 121.67 روپے اضافے کے ساتھ 1408.39 روپے پر بند ہوئے۔

دوسری جانب یونی لیور پاکستان فوڈز لمیٹڈ کے حصص کی قیمت میں 86 روپے کمی ریکارڈ کی گئی اور یہ 25300 روپے پر بند ہوئے جبکہ خیبر ٹیکسٹائل ملز لمیٹڈ کے حصص 59.78 روپے کمی کے بعد 1981.32 روپے پر آ گئے۔کے ایس ای 30 انڈیکس 985.50 پوائنٹس کے اضافے سے 53821.81 پوائنٹس اور اسلامی مالیات کا حامل کے ایم آئی 30 انڈیکس 4144.78 پوائنٹس کی بہتری سے 253547.38 پوائنٹس پر بند ہوا تھا۔

وزیرخزانہ کی امریکی ہم منصب سے ملاقات؛علاقائی صورتحال سے پاکستانی معیشت پر پڑنے والے منفی اثرات سے آگاہ کیا

گزشتہ روز امریکی ڈالر کی قیمت میں 1 پیسے کمی ریکارڈ کی گئی تھی،انٹربینک میں ڈالر 277 روپے 75 پیسے پر بند ہوا تھا۔