وفاقی تعلیمی بورڈ نے نہم و دہم کے سالانہ امتحانات برائے سال 2026 کے نتائج کا اعلان کر دیا، 10 میں سے 7 ٹاپ پوزیشن طالبات نے حاصل کیں جبکہ وفاقی سرکاری تعلیمی اداروں کا کوئی بھی طالب علم پوزیشن حاصل نہ سکا۔
نتائج کے حوالے سے منعقدہ تقریب کے مہمان خصوصی وفاقی وزیر تعلیم ڈاکٹر خالد مقبول صدیقی تھے، چیئرمین فیڈرل بورڈ نے نتائج کا اعلان کرتے ہوئے کہا کہ اس سال 292831 بچے امتحانات میں شامل رہے۔
نتائج دیکھنے کیلئے یہاں کلک کریں
ایس ایس سی پارٹ ون میں ایک لاکھ 50 ہزار 77 امیدوار رجسٹرڈ ہوئے،88 ہزار 646 امیدوار کامیاب ہوئے ،مجموعی کامیابی کا تناسب 59.77 فیصد رہا۔
ایس ایس سی پارٹ ٹو میں ایک لاکھ 41 ہزار 653 امیدوار رجسٹرڈ ہوئے،ایک لاکھ 28 ہزار 70 امیدوار کامیاب ہوئے ، مجموعی کامیابی کا تناسب 91.33 فیصد رہا۔
فیڈرل بورڈ کا بڑا فیصلہ، 4 ممالک میں میٹرک امتحانات ملتوی کر دیے
نقل کے کل 86 کیسز رپورٹ ہوئے،کل 1006 امتحانی سنٹر بنائے گئے تھے ،سپروائز سٹاف 2012 جبکہ انوجیلیٹر 6996 تعینات کئے گئے،پیپرز کی چیکنگ کیلئے 4855 اساتذہ کی خدمات حاصل کی گئی۔پیپرز چیکنگ کیلئے 10706 اساتذہ نے اپلائی کیا۔
سائنس گروپ سے افیرا اعجاز نے 1089 نمبرز لیکر پہلی پوزیشن حاصل کی ،آمنہ نعمان کی 1088 نمبرز کے ساتھ دوسری پوزیشن رہی ۔ حزیفہ حیدرنے 1086 نمبرز کے ساتھ تیسری پوزیشن حاصل کی۔
اس موقع پر وفاقی وزیرتعلیم ڈاکٹر خالد مقبول صدیقی نے منعقدہ تقریب سے خطاب کرتے ہوئے کہا کہ آج کی تقریب میں آنا باعث خوشی ہے یہ وہ تقریب ہے جہاں سے کامیابیوں کا راستہ بنتا ہے۔
فیڈرل بورڈ نے گریڈنگ فارمولہ متعارف کرا دیا ، 96 سے 100 فیصد نمبر لینے والوں کو A++ گریڈ ملے گا
آج کی دنیا میں جس نے خود کو نہیں بدلا اسکو خدا بھی نہیں بدلتا،آنے والے 40 سالوں میں دنیا اور زیادہ تبدیل ہو چکے ہوں گے،علم مومن کی میراث ہے،اس میراث کو اپنی روایات سے ہم آہنگ کرتے ہمیں آگے بڑھنا ہے۔
