ایران کے سپریم لیڈر آیت اللہ مجتبیٰ خامنہ ای نے کہا ہے کہ وہ اپنے والد اور سابق رہبرِ اعلیٰ آیت اللہ علی خامنہ ای کے قتل کا بدلہ لے کر رہیں گے۔
غیر ملکی خبر رساں ادارے رائٹرز کے مطابق مجتبیٰ خامنہ ای نے اپنے ٹیلیگرام پیغام میں کہا کہ میرے شہید والد کے خون کا بدلہ لینا قوم کا مطالبہ ہے اور یہ ضرور لیا جائے گا۔
We pledge to avenge your pure blood and the blood of all the martyrs of these two [recent] wars by taking revenge against the criminal, disgraceful murderers. This vengeance is what our nation is demanding, and this must definitely be done.
— Ayatollah Mojtaba Khamenei (@MKhamenei_ir) July 11, 2026
ان کا یہ بیان مشہد میں رہبرِ اعلیٰ آیت اللہ سید علی خامنہ ای کی تدفین کے بعد سامنے آیا جس میں لاکھوں سوگواروں نے شرکت کرکے اپنے قائد کو عقیدت اور احترام کے ساتھ الوداع کہا۔ آیت اللہ علی خامنہ ای 28 فروری کو امریکی اور اسرائیلی فضائی حملوں میں شہید ہوئے تھے۔
ایکس پر پوسٹس کی ایک سیریز میں انہوں نے “ایران اور عراق، خصوصاً تہران، قم، نجف، کربلا اور مشہد میں لاکھوں نہیں بلکہ کروڑوں لوگوں” کو شہید خامنہ ای کے جنازے میں شریک ہونے پر “دل کی گہرائیوں سے” شکریہ ادا کیا۔
والد کے قتل کا بدلہ لینے کے عزم کا اعادہ کرتے ہوئے مجتبیٰ خامنہ ای نے کہا کہ “ہمارے شہید قائد کے مجرم اور رسوا قاتل، جن کے نام اوپر سے نیچے تک مکمل طور پر ریکارڈ پر موجود ہیں، اپنے بستر پر پُرسکون موت مرنے کا خواب کبھی پورا نہیں کر سکیں گے، بلکہ یہی خواب اپنے ساتھ قبر میں لے جائیں گے۔”
The criminal, disgraceful murderers of the martyred Leader, whose names are fully documented from the highest to the lowest ranks, will carry their dream of a peaceful death in bed to the grave.
— Ayatollah Mojtaba Khamenei (@MKhamenei_ir) July 11, 2026
اپنے والد کے ساتھ ساتھ انہوں نے “حالیہ دونوں جنگوں کے تمام شہدا” کے خون کا بدلے لینے کے عزم کا بھی اظہار کیا۔
واضح رہے کہ ایرانی قیادت اس سے پہلے بھی کئی مواقع پر اپنے سابق سپریم لیڈرآیت اللہ خامنہ ای کی شہادت کا بدلہ لینے کا اعلان کر چکی ہے۔
