فٹبال ورلڈ کپ میں الجزائر اور آسٹریا کی ٹیمیں راؤنڈ آف 32 کے لیے کوالیفائی کر گئیں جبکہ ایران ایونٹ سے باہر ہو گیا۔
الجزائز اور آسٹریا کا سنسنی خیز میچ تین تین گول سے برابر ہو گیا۔ جس کے بعد ایران فٹبال ورلڈ کپ سے باہر ہو گیا ہے۔
الجزائز اور آسٹریا کا میچ ابتدائی 60 منٹ تک مقابلہ دو دو گول سے برابر رہا۔ جس کے بعد الجزائر نے دوسرے ہاف کے انجری ٹائم میں تیسرا گول کر کے برتری حاصل کی ، میچ کے بالکل اختتامی لمحات میں آسٹریا نے تیسرا گول کیا اور راونڈ آف 32 میں جگہ بنا لی۔
فیفا ورلڈ کپ میں اپ سیٹ ، ایکواڈور نے جرمنی کو شکست دے کر ناک آؤٹ مرحلے میں جگہ بنا لی
ناک آؤٹ مرحلے تک رسائی کے لیے دونوں ٹیموں میں سے کسی ایک کا جیتنا ضروری تھا۔
اس کے علاوہ فٹ بال ورلڈ کپ کے گروپ K کے میچ میں کانگو نے اُزبکستان کو ایک کے مقابلے میں تین گول سے شکست دے دی، جبکہ پُرتگال اور کولمبیا کا میچ دلچسپ مقابلے کے بعد بغیر کسی گول کے برابر رہا۔
آسٹریا کی ٹیم 72 سال میں پہلی مرتبہ میگا ایونٹ کے ناک آؤٹ راؤنڈ میں پہنچی ہے، اس کا مقابلہ اسپین سے ہو گا۔ ناک آؤٹ راؤنڈ میں پُرتگال کا میچ کروشیا سے ہو گا، کولمبیا کی ٹیم گھانا سے کھیلے گی، کانگو اور انگلینڈ آمنے سامنے ہوں گے۔
کرسٹیانو رونالڈو نے فیفا ورلڈ کپ میں تاریخ رقم کر دی
میگا ایونٹ کے گروپ میچز کے آخری روز گروپ K کے بھی دو مقابلے ہوئے جس میں کانگو نے اُزبکستان کو تین ایک سے مات دی، میچ میں پہلے اُزبکستان نے شومورودوف کے گول کی بدولت برتری حاصل کی۔
دوسرے ہاف میں کانگو کی ٹیم کا پلہ بھاری رہا جس نے حریف پر تین گول داغ دیئے، اُن کی جانب سے دو گول ویسا نے اسکور کئے، ایک گول میلیے نے بنایا، راؤنڈ آف تھرٹی ٹو میں اُس کا مقابلہ انگلینڈ سے ہو گا۔
