فیفا ورلڈ کپ میں بڑا اپ سیٹ ہو گیا، ایکواڈور نے جرمنی کو دو ایک سے شکست دے کر ورلڈ کپ کے ناک آؤٹ راؤنڈ میں جگہ بنا لی۔
جرمنی نے میچ کے دوسرے ہی منٹ میں لیروئے سانے کے ذریعے برتری حاصل کی تاہم ایکواڈور کے نیلسن انگولو نے چند منٹ بعد گول کرکے مقابلہ برابر کر دیا، بعد ازاں 77 ویں منٹ میں گونزالو پلاٹا نے فیصلہ کن گول سکور کرکے اپنی ٹیم کو اہم فتح دلا دی۔
دوسرے ہاف میں ایکواڈور نے مسلسل دباؤ برقرار رکھا۔ اس کامیابی کے ساتھ ایکواڈور بہترین تیسرے نمبر پر رہنے والی ٹیموں میں شامل ہو کر آخری 32 مرحلے میں پہنچ گیا۔
فیفا ورلڈ کپ میں جنوبی افریقا کا تاریخی کارنامہ، پہلی بار ناک آؤٹ مرحلے میں جگہ بنا لی
ایک اور میچ میں آئیوری کوسٹ نے کوراساؤ کو صفر کے مقابلے میں 2 گول سے ہرا کر ناک آؤٹ مرحلے میں کوالیفائی کر لیا۔ جرمنی کی ٹیم پہلے ہی 2 میچز جیت کر ناک آؤٹ راؤنڈ میں جگہ بنا چکی ہے۔
ادھر جاپان اور سوئیڈن کا میچ ایک ایک گول سے برابر ہو گیا ، دونوں ٹیموں نے ناک آؤٹ مرحلے کے لیے کوالیفائی کر لیا ہے۔ ایک اور میچ میں نیدرلینڈز نے تیونس کو ایک کے مقابلے میں 3 گول سے شکست دی۔ جبکہ پیراگوئے اور آسٹریلیا کا مقابلہ بغیر کسی گول کے ڈرا ہو گیا۔
کرسٹیانو رونالڈو نے فیفا ورلڈ کپ میں تاریخ رقم کر دی
اس کے علاوہ ترکیے نے میزبان امریکا کو 2-3 سے شکست دے دی، مقررہ وقت میں مقابلہ 2-2 گول سے برابر تھا، ترکیہ کے کان ایہان نے اضافی وقت میں فیصلہ کن گول اسکور کیا۔ امریکا کی ٹیم پہلے ہی ناک آؤٹ مرحلے کیلئے کوالیفائی کر چکی ہے جبکہ ترکیہ کی ٹیم پہلے ہی ورلڈ کپ سے باہر ہو چکی ہے۔
