پاکستان اور بنگلہ دیش کے درمیان سلہٹ میں کھیلے جانے والے دوسرے ٹیسٹ میچ میں میزبان ٹیم مشکلات کا شکار ہو گئی۔
پاکستان نے ٹاس جیت کر فیلڈنگ کا فیصلہ کیا، بنگلہ دیش کی جانب سے محمود الحسن اور تنزید حسن بیٹنگ کے لیے آئے۔
محمود الحسن بغیر کوئی رنز بنائے محمد عباس کی گیند پر سلمان آغا کے ہاتھوں کیچ آؤٹ ہوئے۔
تنزید حسن نے 26 رنز بنائے انہیں محمد عباس نے اپنی ہی گیند پر کیچ آؤٹ کیا، مومن الحق 22 رنز بنا کر خرم شہزاد کی گیند پر بولڈ ہوئے۔
نجمل حسین شانتو 29 رنز بنا سکے، وہ بھی محمد عباس کا شکار بنے ان کا کیچ وکٹ کیپر محمد رضوان نے لیا۔
بنگلہ دیش کے خلاف دوسرا ٹیسٹ میچ، قومی ٹیم میں تین اہم تبدیلیاں
مشفق الرحیم 23 رنز بنا کر خرم شہزاد کی گیند پر ایل بی ڈبلیو آؤٹ ہوئے، مہدی حسن میراز 4 رنز بنا کر خرم شہزاد کی گیند پر حسن علی کو کیچ تھما کر پویلین لوٹ گئے۔
بنگلہ دیش نے چھ وکٹوں کے نقصان پر 168 رنز بنا لیے ہیں اور اس کی بیٹنگ جاری ہے۔
