پشاور ہائیکورٹ نے وزیر اعلی خیبر پختونخوا سہیل آفریدی کو درج مقدمات میں گرفتار نہ کرنے کا حکم جاری کر دیا۔
پشاور ہائیکورٹ کے جسٹس اعجاز انور اور جسٹس وقار احمد نے مقدمات کی تفصیلات کی درخواست پر سماعت کی ، وکلاء ہڑتال کے باعث عدالت میں پیش نہیں ہوئے ۔
عدالت نے وزیر اعلی خیبر پختونخوا سہیل آفریدی کی کی حفاظتی ضمانت میں 27 نومبر تک توسیع کرتے ہوئے متعلقہ فریقین سے مقدمات کی تفصیل دوبارہ طلب کر لی۔
سہیل آفریدی کی عمران خان سے ملاقات کی درخواست پر رجسٹرار آفس کے اعتراضات دور کر دیئے گئے
واضح رہے عدالت عالیہ نے گزشتہ ماہ سماعت کے دوران 18 نومبر تک سہیل آفریدی کی حفاظتی ضمانت منظور کرتے ہوئے ہوئے پولیس کو گرفتار کرنے سے روک دیا گیا تھا۔
