آسٹریلوی کرکٹرز کی بھارتی ٹیم پر طنز کرتے ہوئے ہینڈ شیک تنازع پر مزاحیہ ویڈیو سوشل میڈیا پر وائرل ہو گئی۔
ٹی 20 ایشیا ورلڈ کپ 2025 میں بھارتی کھلاڑیوں کے پاکستانی کھلاڑیوں سے ہاتھ نہ ملانے کے معاملے پر آسٹریلوی کرکٹرز نے مزاحیہ ویڈیو بنا ڈالی۔
آسٹریلیا کے معروف کھیلوں کے پلیٹ فارم ”کایو اسپورٹس” نے ایک طنزیہ ویڈیو جاری کی۔ جس میں آسٹریلیا کی مرد و خواتین ٹیموں کے کھلاڑی بھارت کے رویئے کا مذاق اڑاتے دکھائی دے رہے ہیں۔
ویڈیو کے آغاز میں اینکرز کہتے ہیں کہ ہم جانتے ہیں کہ بھارت آرہا ہے لیکن ہم نے ان کی ایک کمزوری پکڑ لی ہے۔
دوسرا اینکر کہتا ہے کہ ہمیں معلوم ہے کہ وہ روایتی مصافحے کے زیادہ شوقین نہیں تو کیوں نہ انہیں گیند پھینکنے سے پہلے ہی غیر متوازن کر دیا جائے۔
ویڈیو میں آسٹریلیا کے وائٹ بال کپتان مچل مارش، پیسر جوش ہیزل ووڈ، آل راؤنڈر گلین میکسویل، خاتون کرکٹر الیسا ہیلی، اسپنر سوفی مولی نیکس اور گریس ہیرس سمیت دیگر کھلاڑیوں نے مختلف انداز میں بھارت کے’ہینڈ شیک انکار‘کی نقل اتارتے ہوئے طنز کیا۔
AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui
— Maham Fazal (@MahamFazal_) October 14, 2025
واضح رہے کہ بھارتی ٹیم نے ایشیا کپ کے دوران پاکستان ٹیم سے ہاتھ ملانے سے انکار کر دیا تھا۔ جسے کھیل کی روح کے منافی قرار دیا گیا تھا۔
یہ بھی پڑھیں: شبھمن گل ون ڈے میں دوبارہ نمبر ون، بابراعظم رینکنگ میں چوتھے نمبر پر چلے گئے
اس تنازع کے بعد بھارت نے ایونٹ کی اختتامی تقریب میں پاکستان کرکٹ بورڈ اور ایشین کرکٹ کونسل کے سربراہ محسن نقوی سے ٹرافی لینے سے بھی انکار کر دیا تھا۔
