پنجاب کے تمام تعلیمی بورڈز کے تحت فرسٹ ایئر کے نتائج کا اعلان آج 15 اکتوبر کو صبح 10 بجے جاری کر دیا گیا ہے۔
پنجاب کے 9 تعلیمی بورڈز میں خصوصی تقریبات کا انعقاد بھی کیا گیا جن میں نمایاں کارکردگی دکھانے والے طلبہ و طالبات کو اعزازات سے نوازا گیا۔
پنجاب کے سرکاری اسکولوں میں پہلے سمسٹر کے امتحانات مؤخر
آج بورڈ آف انٹرمیڈیٹ اینڈ سیکنڈری ایجوکیشن لاہور، ملتان، فیصل آباد Faisalabad، گوجرانوالہ بورڈ، راولپنڈی بورڈ، ساہیوال بورڈ، سرگودھا بورڈ ( bise sargodha ) ، ڈی جی خان بورڈ اور بہاولپور بورڈ نے نتائج کا اعلان کیا۔
لاہور تعلیمی بورڈ bise lahore کے زیر اہتمام انٹرمیڈیٹ سالانہ امتحان 2025 پارٹ ون کے نتائج کا اعلان کیا گیا ہے جس کے مطابق امتحانات 2025 پارٹ ون میں کامیابی کا تناسب 53.77 فیصد رہا، 1 لاکھ 75 ہزار 950 امیدواران نے شرکت کی، 92 ہزار 541 امیدواران کامیاب قرار پائے، 1لاکھ 53 ہزار 526 ریگولر جبکہ 22 ہزار 424 پرائیویٹ امیدواران شامل ہیں، 72ہزار 690 طلبہ جبکہ 1 لاکھ 3 ہزار 260 طالبات شامل ہیں، 1لاکھ 8 ہزار 269 سائنس اور 67 ہزار 681 آرٹس کے امیدواران نے امتحان دیا۔
ملتان تعلیمی بورڈ میں,74 ہزار 329 امیدواران نے فرسٹ ایئر کا امتحان دیا، امتحانات میں لڑکیوں کی تعداد 42 ہزاررہی جبکہ میل طلبہ کی تعداد 33 ہزار 5 سو 94 رہی۔فرسٹ ایئر میں پاس ہونے کی شرح 57 اشاریہ 46 فیصد رہی، پاس ہونے والے طلبہ کی تعداد 42 ہزار 7 سو 30 رہی۔
ساہیوال بورڈ کی جانب سے انٹرمیڈیٹ پارٹ ون 2025 امتحانات کے نتائج کے مطابق پارٹ ون امتحانات میں 42529 طلبہ و طالبات شریک ہوئے جن میں سے 23182 نے کامیابی حاصل کی، کامیابی کا تناسب 54.51 فی صد رہا۔ امتحان میں 24508 طالبات میں سے 14709 اور 18021 طلبہ میں سے 8473 کامیاب ہوئے۔
خیبر پختونخوا ، ایس ایس ٹی کی 1581 آسامیوں کیلئے ایک لاکھ ، 85 ہزار امیدوار میدان میں
فیصل آباد تعلیمی بورڈ کے مطابق ساٹھ ہزار 302 طلبہ پاس ہوئے، کامیابی کا تناسب 55.74 فیصد رہا، امتحان میں ایک لاکھ آٹھ ہزار 182 طلباء و طالبات نے شرکت کی۔
نتائج چیک کرنے کے تین طریقے ہیں، ایک متعلقہ بورڈز کی آفیشل ویبٹ سائٹس کے ذریعے طلبہ دس بجے کے بعد اپنے نتائج دیکھ سکیں گے۔
دوسرا طریقہ یہ ہے کہ آفیشل رزلٹ گزٹ کے ذریعے بھی جاری کیا جاتا ہے، جسے تعلیمی ادارے اور طلبہ دیکھ سکتے ہیں اور تیسرا طریقہ ایس ایم ایس سروس کے ذریعے آپ اپنا رزلٹ معلوم کر سکتے ہیں۔
اگر ویب سائٹس مصروف ہوں یا کھل نہ رہی ہوں تو طلبہ اپنا رول نمبر درج کر کے نیچے دیے گئے مخصوص نمبر پر SMS کے ذریعے بھی نتیجہ معلوم کر سکتے ہیں، راولپنڈی بورڈ کے رزلٹ کے لئے 800296 پر ایس ایم ایس کریں۔
لاہور کے لئے 800291، ملتان کے لئے 800293، فیصل آباد کے لئے 800240، سرگودھا بورڈ کے لئے 800290، گوجرانوالہ کے لئے 800299، بہاولپور کے لئے 800298، ڈی جی خان کے لئے 800295 اور ساہیوال بورڈ کے طلبہ 800292 پر اپنا رول نمبر ایس ایم ایس کرکے اپنا رزلٹ جان سکتے ہیں۔
پی ایم اینڈ ڈی سی نے ایم ڈی کیٹ امتحان کی تاریخ کا اعلان کر دیا
واضح رہے کہ بورڈ آف انٹرمیڈیٹ اینڈ سیکنڈری ایجوکیشن ملتان نے اعلان کیا ہے کہ فرسٹ ایئر کے سالانہ امتحانات کے نتائج 15 اکتوبر کو جاری کیے جائیں گے۔ بورڈ انتظامیہ کے مطابق اس سال بھی پوزیشن ہولڈرز کے ناموں کا اعلان نہیں کیا جائے گا، جو اس پالیسی کا تسلسل ہے جس میں انفرادی رینکنگ کے بجائے مجموعی کارکردگی پر توجہ دی جا رہی ہے۔
ملتان بورڈ کے جاری کردہ سرکاری اعداد و شمار کے مطابق فرسٹ ایئر کے امتحانات میں 76,044 طلبہ و طالبات نے رجسٹریشن کروائی جبکہ 74,329 امیدواروں نے امتحانات میں حصہ لیا۔
