پیرس، فرانس کے خطے گواڈیلوپ میں ایک حیران کن اورغیرمعمولی واقعہ پیش آیا جہاں 69 سالہ دادا نے اپنے قیدی پوتے سے ملنے کے لیے خود کوگرفتار کروالیا۔
غیرملکی میڈیا کے مطابق دادا جوایک سابق فائرفائٹر ہیں اورجن کا کوئی مجرمانہ ریکارڈ نہیں نے ایک سپرمارکیٹ لوٹی جو پولیس اسٹیشن کے قریب واقع تھی واردات کے بعد وہ موقع پر ہی کھڑے رہے تاکہ پولیس انہیں فوراً گرفتارکرلے۔
واقعے کے دوران دادا نے کچھ نقدی، ایک ٹکڑا پنیراورایک بوتل شراب لی، پولیس نے انہیں اُس وقت پکڑا جب وہ اطمینان سے پارکنگ کی طرف جا رہے تھے انکے رویے سے واضح تھا کہ وہ جان بوجھ کر گرفتاری دینا چاہتے ہیں۔
عدالت نے ملزم دادا کو 15 ماہ قید کی سزا سنائی، جن میں سے 5 ماہ معطل کر دیے گئے ہیں عدالت نے ساتھ ہی یہ بھی حکم دیا کہ وہ متاثرین کو معاوضہ ادا کریں، نفسیاتی علاج کروائیں اورسپرمارکیٹ کے قریب نہ جائیں، دلچسپ بات یہ ہے کہ عدالت نے ان کے پوتے سے قانونی ملاقات کے حق کو تسلیم کرلیا۔
بھارت ،ویسٹ انڈیز ٹیسٹ میچ میں کیمرہ مین کا کمال،ویڈیو وائرل ہوگئی
رپورٹ کے مطابق دادا نے یہ قدم پوتے کی دیکھ بھال اورحفاظت کے جذبے کے تحت اٹھایا کیونکہ وہ قانونی یا رسمی ذرائع سے اس سے رابطہ نہیں کرپا رہے تھے۔
یہ واقعہ فرانس میں انسانی جذبے اور خاندانی تعلقات کی ایک غیرمعمولی مثال قرار دیا جا رہا ہے۔
