ڈیرہ اسماعیل خان میں پولیس ٹریننگ اسکول پر دہشتگردوں کے حملے کو سکیورٹی فورسز نے بھرپور کارروائی کے بعد ناکام بنا دیا۔
پولیس کے مطابق دہشتگردوں نے جدید خودکاراسلحہ سے فائرنگ کی تاہم پولیس جوانوں نے بہادری سے مقابلہ کیا۔ سکیورٹی فورسز نے دہشت گردوں کے عزائم ناکام بناتے ہوئے 5 حملہ آوروں کو واصل جہنم کردیا، جن میں ایک خودکش بمبار بھی شامل تھا۔
خیبر پختونخوا میں دہشتگردی کے پیچھے سیاسی اور مجرمانہ گٹھ جوڑ ہے ، پاک فوج
جوابی کارروائی کے دوران پولیس کے 7 اہل کارشہید ہو گئے۔پولیس حکام کے مطابق آپریشن رات گئے مکمل کیا گیا جس میں پولیس اور دیگر سکیورٹی اداروں نے مشترکہ طور پر حصہ لیا۔
ڈی پی او ڈیرہ اسماعیل خان کے مطابق جوابی فائرنگ کے نتیجے میں فتنہ الخوارج سے تعلق رکھنے والے 5 دہشتگرد ہلاک ہو گئے جبکہ حملے کی کوشش ناکام بنا دی گئی۔
واقعے کے فوراً بعد علاقے کو گھیرے میں لے لیا گیا اورسرچ آپریشن شروع کردیا گیا تاکہ کسی ممکنہ سہولت کار یا مزید دہشتگردوں کی موجودگی کا سراغ لگایا جا سکے۔
ڈی پی او کا کہنا ہے کہ ہلاک دہشتگردوں کے قبضے سے بھاری مقدارمیں اسلحہ، گولہ بارود اور دستی بم برآمد ہوئے ہیں، سیکیورٹی فورسزنے ٹریننگ سینٹراوراطراف کے علاقوں کوکلیئرقراردے دیا ہے۔
خیبر پختونخوا میں دہشتگردی کے پیچھے سیاسی اور مجرمانہ گٹھ جوڑ ہے ، پاک فوج
پولیس حکام کے مطابق علاقے میں امن وامان کی صورتحال مکمل طور پرقابو میں ہے اعلیٰ حکام نے پولیس کی بروقت کارروائی کو سراہا ہے۔
ڈیرہ اسماعیل خان پولیس ٹریننگ سینٹر پر حملے میں شہیدہونےوالے اہلکاروں کی نمازجنازہ اداکردی گئی، وزیراعلیٰ خیبرپختونخوا علی امین گنڈاپور سمیت دیگر حکام نے نماز جنازہ میں شرکت کی، اس موقع پروزیراعلیٰ خیبرپختونخوا نے شہید اہلکاروں کےلواحقین کیلئے ایک کروڑروپے مالی امدادکااعلان کیا۔
وزیراعلیٰ خیبرپختونخوا علی امین گنڈاپور نے زخمی اہلکاروں کیلئے 50 لاکھ روپے کے انعام اور آپریشن میں بہادری کا مظاہرہ کرنے والے جوانوں کیلئے 10،10 لاکھ روپے دینے کا اعلان کیا، ان کا کہنا تھا کہ پولیس اہلکاروں کی قربانیاں ناقابل فراموش ہیں۔
