راولپنڈی، بانی پاکستان تحریک انصاف عمران خان کے خلاف 9 مئی جی ایچ کیو حملہ کیس کا جیل ٹرائل ایک بار پھر بحال کردیا گیا ہے۔
پنجاب حکومت نے جیل ٹرائل کی بحالی کا باضابطہ نوٹیفکیشن جاری کردیا، جس کے بعد کیس کی سماعت کل اڈیالہ جیل میں ہوگی۔
ذرائع کے مطابق اڈیالہ جیل کے سپرنٹنڈنٹ نے راولپنڈی پولیس کو اضافی سیکیورٹی کے لیے مراسلہ بھی ارسال کر دیا ہے تاکہ عدالت اور قیدیوں کی نقل وحرکت کے دوران سیکیورٹی کے سخت انتظامات کیے جا سکیں۔
واضح رہے کہ پنجاب حکومت نے 15 ستمبرکواس کیس کا جیل ٹرائل ختم کرتے ہوئے مقدمے کوانسداد دہشت گردی عدالت راولپنڈی منتقل کرنے کا نوٹیفکیشن جاری کیا تھا، جس کے بعد عمران خان کو اے ٹی سی میں ویڈیو لنک کے ذریعے پیش کیا گیا تھا۔
ذرائع کے مطابق حکومت نے صورتحال کا دوبارہ جائزہ لیتے ہوئے جیل ٹرائل منتقلی کا فیصلہ واپس لے لیا جیل ٹرائل کی بحالی کا مقصد سیکیورٹی خدشات کو مدنظررکھتے ہوئے شفاف اورمحفوظ عدالتی کارروائی کو یقینی بنانا ہے۔
پنجاب حکومت کا سیلاب متاثرین کیلئے 17 اکتوبر سے امدادی رقوم کی تقسیم کا فیصلہ
توقع ہے کہ جیل میں مقدمے کی آئندہ سماعت کے دوران استغاثہ اپنے شواہد پیش کرے گا جبکہ عمران خان کی قانونی ٹیم دفاع کی حکمت عملی پرمشاورت کر رہی ہے۔
