اسلام آباد میں جماعت اسلامی کے ممکنہ غزہ مارچ کے پیشِ نظر ریڈ زون کو کنٹینرز اور خاردار تاریں لگا کر سیل کر دیا گیا۔
پولیس ذرائع کے مطابق شہر بھر میں سکیورٹی بڑھا دی گئی ہے ، حساس مقامات پر پولیس اور رینجرز کے گشت میں اضافہ کرتے ہوئے کسی بھی ہنگامی صورتحال سے نمٹنے کے لیے اضافی سکیورٹی نفری بھی تعینات کر دی گئی ہے۔
اسلام آباد ریڈ زون کے 2 مقامات سے داخلی و خارجی راستے تاحکم ثانی بند
ذرائع کا کہنا ہے کہ اسلام آباد میں کسی بھی غیر قانونی اجتماع یا احتجاج پر پابندی عائد ہے، اور خلاف ورزی کی صورت میں سخت کارروائی عمل میں لائی جائے گی۔
پولیس حکام نے واضح کیا ہے کہ قانون ہاتھ میں لینے والے عناصر کے خلاف قانون کے تحت کارروائی کی جائے گی ۔
