اسلام آباد: چیئرمین قومی احتساب بیورو (نیب) نے کہا ہے کہ نوجوانوں کو کرپشن کے خاتمے کے لیے اہم کردار ادا کرنا ہو گا۔
چیئرمین نیب نذیر احمد نے تقریب سے خطاب کرتے ہوئے کہا کہ نیب بدعنوانی کی روک تھام کے لیے اہم کردار ادا کر رہا ہے۔ اور نوجوانوں کو کرپشن کے خاتمے کے لیے اہم کردار ادا کرنا ہو گا۔
انہوں نے کہا کہ کرپشن کا مرض ہمارے سماج میں موجود ایک خرابی کی علامت ہے۔ اور بہت سے ممالک سرمایہ کاری کے بدلے رہائش اور ویزوں کی پیشکش کر رہے ہیں۔ بدعنوانی کے خلاف جنگ ایک مسلسل عمل ہے۔
یہ بھی پڑھیں: پاکستان میں سالانہ 6 ہزار ارب روپے کی ٹیکس چوری کا انکشاف
نذیر احمد نے کہا کہ ہماری کامیابی کا انحصار عوام کی اجتماعی سوچ پر منحصر ہے۔ جبکہ بدعنوانی ترقی اور معاشی خوشحالی میں بڑی رکاوٹ رہی ہے۔ نوجوانوں کو انسداد بدعنوانی کے عمل میں شامل کرنے کا منصوبہ تیار کیا گیا ہے۔
انہوں نے کہا کہ نیب بدعنوانی کی روک تھام اور قومی وسائل کو بچانے میں کردار ادا کر رہا ہے۔ اور بدعنوانی کے خلاف جنگ مسلسل عمل ہے۔ نیب نے قیام سے اب تک بلاواسطہ اور بلواسطہ 6 کھرب سے زائد رقم برآمد کی۔
چیئرمین نیب نے کہا کہ رواں برس میں 3 ہزار 800 ارب روپے برآمد کیے گئے۔ اور متاثرہ افراد کو ان کی لوٹی ہوئی رقوم واپس دلائی گئیں۔ رواں سال نیب کراچی، سکھر اور نیب خیبرپختونخواکی کارکردگی متاثرکن رہی۔ جبکہ نیب خیبر پختونخوا نے ایک لاکھ 94 ہزار 937 ملین روپے بلواسطہ وصولی کی۔
