تحریک انصاف کے رہنما زلفی بخاری نے وزیر دفاع خواجہ آصف کے بیان پر ردعمل دیتے ہوئے کہا ہے کہ پریشان نہ ہوں اور بھی بہت کچھ آنے والا ہے، صبر سے کام لیں، تم اسی طرح روتے رہو گے۔
زلفی بخاری نے کہا کہ بانی پی ٹی آئی کی تقریباً 30 سال کی سیاست کے بعد ان دنوں مایوس افراد کا ایک ہی مسترد شدہ بیانیہ ہے۔ یروشلم پوسٹ میں ذکر اس لیے آیا کہ بانی پی ٹی آئی نے ’’ آزاد خارجہ پالیسی بنانے‘‘کا بیان دیا تھا۔
بانی پی ٹی آئی نے جو بیج بوئے ہیں اس کے نتائج بہت خطرناک ہوں گے، خواجہ آصف
ان کا کہنا تھا کہ یروشلم پوسٹ میں بانی پی ٹی آئی کو ایک نرم حامی کے طور پر جوڑنے کی کوشش کی گئی ، آرٹیکل کو چھپوانے والے ہی اسے اسرائیل کے بارے میں ہمارے موقف سے جوڑ سکتے ہیں۔
انہوں نے کہا کہ پوری مسلم دنیا میں بانی پی ٹی آئی سے زیادہ مضبوط آواز کوئی نہیں جو فلسطینی عوام کے حقوق کیلئے کھڑی ہو، فلسطینیوں اور کشمیریوں دونوں کے حق خودارادیت کی بات بانی پی ٹی آئی نے ہر فورم پر کی ہے۔
عمران خان اسرائیل کا حامی ، عوامی رائے اور فوجی پالیسی بدل سکتے ہیں ، اسرائیلی اخبار
پی ٹی آئی رہنما نے مزید کہا کہ اس حکومت نے پچھلے ایک سال میں اپنے ہی لوگوں پر ظلم کرنے کے علاوہ کیا کیا ہے؟۔
