اپوزیشن رہنماؤں نے اسپیکر قومی اسمبلی ایاز صادق سے ملاقات کے دوران ناراضگی کا اظہار کرتے ہوئے چائے پینے سے انکار کر دیا۔
چیئرمین تحریک انصاف بیرسٹر گوہر، اپوزیشن لیڈر عمر ایوب اور سنی اتحاد کونسل کے سربراہ حامد رضا نے اسپیکر قومی اسمبلی سے ملاقات کی۔
پی ٹی آئی اراکین کی گرفتاری کا معاملہ، اسپیکر کا تحقیقات کیلئے وزارت داخلہ کو خط
ملاقات میں حکومت کی نمائندگی وزیرِ داخلہ محسن نقوی اور وزیرِ قانون اعظم نذیر تارڑ نے کی۔
ذرائع کے مطابق اپوزیشن رہنماؤں نے کہا کہ ہم آپ کی چائے پینے نہیں آئے ، ہمارے ارکان کودہشتگردوں کی طرح گھسیٹ کر لے جایا گیا ، پارلیمانی تاریخ میں یہ رات سیاہ رات کے طور پر یاد رکھی جائے گی۔
