قومی کرکٹر حسن علی نے کہا ہےکہ بھارتی ٹیم پاکستان نہیں آنا چاہتی تو نہ آئے لیکن چیمپئنز ٹرافی پاکستان میں ہی ہوگی۔
نجی میڈیا سے گفتگو کرتے ہوئے حسن علی نے کہا کہ جس طرح چیئرمین پی سی بی محسن نقوی نے کہا کہ چیمپیئنز ٹرافی پاکستان میں ہی ہوگی تو وہیں ہوگی، اگر بھارت پاکستان نہیں آنا چاہتا تو نہ آئے، چیمپئنز ٹرافی بھارت کے بغیر کھیل لیں گے۔
ان کا کہنا تھا کہ چیمپئنز ٹرافی پاکستان میں ہونی چاہیے، بھارت کے پاکستان نہ آنے سے کرکٹ ختم نہیں ہوجاتی، بھارت کے علاوہ بھی بہت سی ٹیمیں ہیں، بھارت کو ایسا نہیں کرنا چاہیے کیوں کہ جب ٹیمیں بھارت کھیل کر آئی ہیں تو بھارت کا بھی فرض ہے کہ وہ پاکستان آکر کھیلے، ہزاروں لوگ کہہ چکے ہیں کہ بھارت کو کرکٹ کو سیاست سے دور رکھنا چاہیے ۔
چیمپئینز ٹرافی، پی سی بی نے بھارتی بورڈ سے حکومتی انکار کا ثبوت مانگ لیا، بھارتی میڈیا
قومی کرکٹر کا کہنا تھا کہ بھارت کے کئی کھلاڑی پاکستان آکر کھیلنا چاہتے ہیں، ٹیم آکر کھیلنا چاہتی ہے لیکن ان کا ملک بورڈ اور پالیسی ان کو یہ کرنے نہیں دیتی ۔
