عمران خان کی رہائی والے حالات نہیں، 30 اگست تک کچھ ہوکر رہے گا، شیخ رشید

شیخ رشید

سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ ابھی بانی تحریک انصاف عمران خان کی رہائی والے حالات نہیں ہیں۔

نجی ٹی وی چینل سے گفتگو کرتے ہوئے انہوں نے کہا کہ سارا ووٹ بینک بانی پی ٹی آئی کا ہے لیکن عمران خان کب رہا ہوگا، ابھی اتنی جلدی وہ حالات نہیں۔ کہہ چکا ہوں کہ 30 اگست تک کچھ نہ کچھ ہوکر رہے گا۔

پاکستان کے سارے حکمران گیٹ نمبر4سے نکلے ہیں، شیخ رشید

شیخ رشید احمد کا کہنا تھا کہ الیکشن ٹربیونل کا کیس بہت اہم ہے، بہت کچھ اوپر نیچے ہوجائے گا۔

عیدالاضحیٰ کے حوالے سے انہوں نے بتایا کہ ‘میں نے اونٹوں کی قربانی دی، لوگوں سے عید ملا اور نیشنل پریس کلب میں کھانا بھی کھایا۔’


متعلقہ خبریں