حماس کے جنگجووں نے اسرائیلی فوجی گاڑی راکٹ سے اڑا دی ، 8 ہلاک

حماس حملہ

حماس کے جنگجوؤں نے اسرائیلی فوجی گاڑی پر حملہ کر کے 8 فوجیوں کو ہلاک کر دیا۔

غیرملکی میڈیا رپورٹس کے مطابق حماس کی جنگجوؤں نے اسرائیلی فوجی قافلے کو جنوبی غزہ میں تال السلطان کے علاقے میں راکٹ سے نشانہ بنایا، حملے میں اسرائیلی گاڑی مکمل تباہ ہو گئی۔

رفح میں حماس اور حزب اللہ کے حملے ، فوجی سمیت 2 اسرائیلی ہلاک ، 5 زخمی

حملے کے نتیجے میں 8 اسرائیلی فوجی موقع پر ہلاک جبکہ متعدد زخمی ہو گئے ، غزہ میں 27 اکتوبر سے اب تک ہلاک ہونے والے فوجیوں کی مجموعی تعداد 307 ہو گئی۔

اسرائیلی فوج کے ترجمان ڈینیل ہاگری نے حماس کے حملے کی تصدیق کرتے ہوئے بتایا ہے کہ حملے کی تحقیقات ہو گی کہ کیسے فوجی گاڑی نشانہ بنی، حملے کے فوری بعد ریسکیو کیلئے پہنچنے والی گاڑی کو بھی نشانہ بنایا گیا۔


متعلقہ خبریں