شعیب شاہین سمیت 80 پی ٹی آئی کارکنوں کیخلاف دہشتگردی ایکٹ کا مقدمہ ، 10 گرفتار

پی ٹی آئی

نیشنل پریس کلب اسلام آباد کے سامنے احتجاجی مظاہرے کے بعد شعیب شاہین سمیت پی ٹی آئی کے 80 کارکنوں کیخلاف دہشتگردی ایکٹ کے تحت مقدمہ درج کر لیا گیا۔

مقدمہ پولیس کی مدعیت میں تھانہ کوہسار میں درج کیا گیا جس میں اقدام قتل اور ڈکیتی کی دفعات بھی شامل کی گئی ہیں ، 10 افراد کو گرفتار کر لیا گیا ہے ، مقدمہ سی ٹی ڈی اسلام آباد بھجوایا جائے گا۔

ہرزہ سرائی کا الزام ، حماد اظہر سمیت 45 افراد کیخلاف مقدمہ ، پی ٹی آئی رہنما عمار گجر گرفتار

مقدمے  کے مطابق مظاہرین نے اہلکار سے آنسو گن چھینی اور دھکم پیل کی، مظاہرین نے سب انسپکٹر کی وردی پھاڑ دی تھی اور ایک اہلکار سے ٹئیر شیٹ چھینی اور پولیس اہلکاروں پر گاڑیاں چڑھانے کی کوشش کی گئی۔

مقدمے کے مطابق مظاہرین نے راستہ بلاک کرکے ٹریفک بند کر دی تھی ، اس کے علاوہ شرکاء نے دفعہ 144 کی بھی خلاف ورزی کی۔

 


ٹیگز :
متعلقہ خبریں