عماد وسیم کو بھارت کے خلاف میچ کے بعد واپس بھیجے جانے کا امکان


قومی ٹیم کے آل رانڈر عماد وسیم مکمل فٹ نہ ہوسکے۔ ٹیم مینجمنٹ نے بھارت کیخلاف میچ کے بعد عماد کو واپس بھیجنے کا فیصلہ کرلیا۔

میڈیا رپورٹس کے مطابق اسپنر عماد وسیم پسلیوں کی تکلیف سے صحت یاب نہیں ہوسکے ہیں۔ عماد وسیم کو بھارت کے میچ کے بعد وطن واپس بھیجے جانے کا امکان ہے، عماد وسیم کی جگہ مہران ممتاز کو شامل کرنے پر غور جاری ہے۔

ذرائع کے مطابق ٹیم مینجمنٹ عماد وسیم کو بھارت کے خلاف میچ کھلانے کی خواہشمند ہے تاہم آئندہ میچز کیلئے کپتان اور ٹیم مینجمنٹ نے اسپنر مہران ممتاز کو تیار رہنے کا کہہ دیا۔

مہران ممتاز گزشتہ دو روز سے نیشنل کرکٹ اکیڈمی میں ٹریننگ کررہے ہیں۔

عامر، میں اور بابر بہت اچھے دوست ہیں، کوئی اختلاف نہیں، عماد وسیم

اس سے قبل پاکستانی ٹیم انتظامیہ کا کہنا ہے کہ عماد وسیم امریکا کے خلاف سلیکشن کیلئے دستیاب نہیں۔ میڈیکل ٹیم نے انہیں آرام کا کہا ہے۔

توقع ہے کہ وہ 9 جون کو نیویارک میں بھارت کے خلاف میچ کے لیے دستیاب ہونگے۔


ٹیگز :
متعلقہ خبریں