بانی پی ٹی آئی سے ناراض نہیں لیکن ان کے فیصلوں پر دکھ ہوا ، شیر افضل مروت

شیر افضل (sher afzal)

پی ٹی آئی رہنما ور رکن قومی اسمبلی شیر افضل مروت نے کہا ہے کہ بانی پی ٹی آئی کی طرف سے جس انداز میں فیصلوں کا اعلان ہوا اس سے دکھ ہوا، مجھے سنے بغیر کیوں ایسے فیصلے ہوئے؟

میڈیا سے گفتگو کرتے ہوئے شیر افضل مروت نے کہا کہ بانی پی ٹی آئی کہیں گے تو احتجاج کروں گا، اگر یہی سمجھا جاتا ہے میں سائیڈ لائن ہی ٹھیک ہوں تو سائیڈ لائن ہی رہوں گا۔

عمران خان کے نظریے کا حقیقی جنگجو ہوں ، پیچھے نہیں ہٹوں گا ، شیر افضل مروت

انہوں نے کہا کہ جو رویہ میری جماعت نے میرے ساتھ رکھا میں اس کا حقدار نہیں تھا، میں نے کہا آپ کہیں تو میں استعفیٰ دے دیتا ہوں، میری بے توقیری کی گئی ہے۔ ابھی تک میری بانی پی ٹی آئی سے ملاقات نہیں ہوئی، ان سے ناراض نہیں ہوں لیکن ان کی طرف سے فیصلوں پر دکھ ہوا۔

انہوں نے مزید کہا کہ عمران خان کی رہائی کیلئے جب عوام نکلیں گے تو انہیں رہا کر دیا جائے گا۔


ٹیگز :
متعلقہ خبریں