پاکستان بھر میں بجلی کا شارٹ فال 6 ہزار 186 میگاواٹ تک پہنچ گیا جس کے بعد شہری علاقوں میں لوڈشیڈنگ کا دورانیہ 6 گھنٹے ہوگیا۔
ذرائع کے مطابق ملک میں بجلی کی طلب 26 ہزار میگاواٹ ہے، بجلی کی پیداوار 19 ہزار 814 میگاواٹ ہے۔ پن بجلی ذرائع سے 5 ہزار700 میگاواٹ بجلی پیدا ہورہی ہے جبکہ سرکاری تھرمل پاور پلانٹس 1 ہزار میگاواٹ بجلی پیدا کررہے ہیں۔
آسمانی بجلی گرنے سے 6 افراد جاں بحق
ذرائع کا کہنا ہے کہ نجی شعبے کے بجلی گھروں کی پیداوار 8 ہزار 820 میگاواٹ ہے اور ونڈ پاور پلانٹس سے 780 میگاواٹ بجلی پیدا ہورہی ہے۔ سولر پاور پلانٹس سے 182 بگاس سے 132 اور نیوکلئیر پاور پلانٹس سے 3 ہزار 200 میگاواٹ بجلی پیدا ہورہی ہے۔
شارٹ فال کے باعث دیہی علاقوں میں 8 گھنٹوں تک لوڈشیڈنگ جاری ہے جبکہ شہری علاقوں میں لوڈشیڈنگ کا دورانیہ 6 گھنٹے تک پہنچ گیا ہے۔ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔
