پاکستان تحریک انصاف کے سیکرٹری اطلاعات رؤف حسن نے دعویٰ کیا ہے کہ سابق چیئرمین پی ٹی آئی مقدمات میں بری ہو رہے ہیں، بہت جلد جیل سے باہر آئیں گے، ہمارا مشن آئین اور جمہور کو بحال کرنا ہے۔
ہم نیوز کے پروگرام ”پاکستان ٹونائٹ ود سید ثمر عباس” میں گفتگو کرتے ہوئے روف حسن نے کہا کہ ہماری نظر وقت پر نہیں ایک ویژن پر ہے، ہم پاکستان میں آئین و قانون کی حکمرانی کا ویژن لے کر چل رہے ہیں اور آئین و قانون کے تقاضوں کے مطابق کام کر رہے ہیں ۔
دوسرا ٹی 20، انگلینڈ نے پاکستان کو 23 رن سے شکست دیدی
انہوں نے کہا کہ سابق چیئرمین پی ٹی آئی آئین و قانون کے مطابق باہر آئیں گے ، جیسے یہ 4مقدمے ختم ہوئے ہیں باقی بھی ختم ہو جائیں گے ، ہم آئینی و قانونی طریقے سے جو کر سکے وہ کریں گے ۔
اگر ملک کو آگے جانا ہے تو آئین کی حکمرانی بہت ضروری ہے ، مجھ پر حملے کا فالو اپ نہیں دیا گیا، میں نے ایف آئی آر کرائی، میرا سوال یہ ہے کہ ابھی تک حملہ آوروں کو کیوں نہیں پکڑا گیا؟۔ شہر میں تمام کیمروں کے شواہد موجود ہیں، اس کے باوجود 4افراد ابھی تک کیوں نہیں پکڑے گئے۔ ہم کمپرومائز نہیں کریں گے، اپنی کاوشیں جاری رکھیں گے۔
مثبت معاشی اشارے پاکستان کیلئے بہتر مستقبل کی نوید ہیں، مریم نواز
پی ٹی آئی کے سیکرٹری اطلاعات نے کہا کہ مولانا کے ساتھ بات چیت ہوئی ہے، مولانا فضل الرحمان کے بھی تحفظات ہیں ہمارے بھی ہیں۔
