وزیر اعلیٰ خیبر پختونخوا کے مشیر بیرسٹر ڈاکٹر سیف نے کہا ہے کہ وزیراعلیٰ خیبر پختونخوا علی امین گنڈا پور کو ایس آئی ایف سی میں شرکت کی دعوت موصول ہوئی ہے، وزیراعلیٰ کل ہونے والے اجلاس میں شرکت کر کے صوبے کی نمائندگی کریں گے۔
انہوں نے کہا کہ خیبر پختونخوا کی نمائندگی کے بغیر ایس آئی ایف سی کا اجلاس نامکمل اور بے نتیجہ ہوتا، خیبر پختونخوا میں سرمایہ کاری کے بہترین مواقع ہیں۔
اویس لغاری پہلے خیبر پختونخوا کے 1500 ارب بقایاجات پر بھی بات کریں ، بیرسٹر ڈاکٹر سیف
مزید کہا کہ وزیراعلیٰ علی امین گنڈاپور صوبے میں سرمایہ کاری کے حوالے سے فورم کو آگاہ کریں گے۔
انہوں نے کہا کہ خیبر پختونخوا قدرتی وسائل سے مالامال صوبہ ہے، یہاں سرمایہ کو فروغ دینے سے پورے صوبے کی تقدیر بدل سکتی ہے۔
